ಸಹಪ್ರಯಾಣಿಕನ ಕಪಾಳಕ್ಕೆ ಹೊಡೆದವನಿಗೆ ವಿಮಾನಗಳಲ್ಲಿ ಸಂಚರಿಸದಂತೆ ಇಂಡಿಗೊ ನಿಷೇಧ

ಮುಂಬೈ: ಕೋಲ್ಕತ್ತ ವಿಮಾನದಲ್ಲಿ ಶುಕ್ರವಾರ ಸಹಪ್ರಯಾಣಿಕನ ಕಪಾಳಕ್ಕೆ ಹೊಡೆದ ಪ್ರಯಾಣಿಕನಿಗೆ, ಇನ್ನು ಮುಂದೆ ತನ್ನ ವಿಮಾನಗಳಲ್ಲಿ ಸಂಚರಿಸದಂತೆ ಇಂಡಿಗೊ ನಿಷೇಧ ಹೇರಿದೆ

ಇಂಡಿಗೊ 6ಇ138 ವಿಮಾನದಲ್ಲಿ ಈ ಘಟನೆ ನಡೆದಿದ್ದು, ಕೋಲ್ಕತ್ತ ವಿಮಾನ ನಿಲ್ದಾಣದಲ್ಲಿ ಆರೋಪಿಯು ಇಳಿಯುತ್ತಿದ್ದಂತೆ ಭದ್ರತಾ ಸಿಬ್ಬಂದಿ ವಶಕ್ಕೆ ಪಡೆದಿದ್ದರು. ಈತ ಅಶಿಸ್ತಿನಿಂದ ವರ್ತಿಸಿದ್ದಾನೆ ಎಂದು ಇದೀಗ ಘೋಷಿಸಲಾಗಿದೆ.

‘ಇಂಡಿಗೊದ ಯಾವುದೇ ವಿಮಾನದಲ್ಲಿ ಆರೋಪಿಯು ಸಂಚರಿಸುವುದನ್ನು ನಿಷೇಧಿಸಲಾಗಿದೆ’ ಎಂದು ವಿಮಾನಯಾನ ಸಂಸ್ಥೆ ತಿಳಿಸಿದೆ.