ವಿಮಾನಯಾನ ಸೇವೆಗೆ ನಿರ್ಬಂಧ ಹೇರಿದ ಇರಾನ್

ಟೆಹ್ರಾನ್‌ (ಎ.ಪಿ): ಕೋವಿಡ್‌ ಗಂಭೀರ ಪರಿಸ್ಥಿತಿ ಹಿನ್ನೆಲೆಯಲ್ಲಿ ಭಾರತ ಮತ್ತು ಪಾಕಿಸ್ತಾನದಿಂದ ವಿಮಾನಯಾನ ಸಂಪರ್ಕವನ್ನು ಇರಾನ್‌ ನಿರ್ಬಂಧಿಸಿದೆ. ಉಭಯ ದೇಶಗಳಲ್ಲಿ ಕೊರೊನಾದ ರೂಪಾಂತರ ಸೋಂಕು ಕಾಣಿಸಿರುವ ಕಾರಣ ಈ ಕ್ರಮವಹಿಸಲಾಗಿದೆ ಎಂದು ಇರಾನ್‌ನ ಸುದ್ದಿ ಸಂಸ್ಥೆ ಐಆರ್‌ಎನ್‌ಎ ವರದಿ ಮಾಡಿದೆ.

ಇರಾನ್‌ ನಾಗರಿಕ ವಿಮಾನಯಾನ ಸಂಸ್ಥೆಯ ವಕ್ತಾರ್ ಮೊಹಮ್ಮದ್‌ ಹಸನ್ ಜಿಬಾಕ್ಷ್ ಅವರು, ‘ಉಭಯ ದೇಶಗಳಿಗೆ ನಿಯಮಿತವಾಗಿ ಇರಾನ್‌ನಿಂದ ವಿಮಾನಯಾನ ಸೇವೆ ಇರುವುದಿಲ್ಲ. ಅಪರೂಪಕ್ಕೆ ವಿಮಾನ ಸಂಚಾರ ಇರುತ್ತದೆ’ ಎಂದು ತಿಳಿಸಿದ್ದಾರೆ.‌