ಕೋವಿಡ್-19:‌ ಕೇರಳದಲ್ಲಿ 15,058 ಹೊಸ ಪ್ರಕರಣ, 99 ಸೋಂಕಿತರು ಸಾವು

ತಿರುವನಂತಪುರಂ: ಕೇರಳದಲ್ಲಿ ಕೋವಿಡ್-19‌ ಸೋಂಕಿನ15,058 ಹೊಸ ಪ್ರಕರಣಗಳು ಸೋಮವಾರ ವರದಿಯಾಗಿದ್ದು, ಇದೇ ದಿನ99 ಮಂದಿ ಮೃತಪಟ್ಟಿದ್ದಾರೆ. ಹೀಗಾಗಿ ಒಟ್ಟು ಸೋಂಕು ಪ್ರಕರಣಗಳ ಸಂಖ್ಯೆ 43,90,489 ಕ್ಕೆ ಏರಿಕೆಯಾಗಿದ್ದು, ಸಾವಿನ ಸಂಖ್ಯೆ22,650ಕ್ಕೆ ತಲುಪಿದೆ.

ಕಳೆದ 24 ಗಂಟೆಗಳಲ್ಲಿ 91,885 ಮಾದರಿಗಳನ್ನು ಪರೀಕ್ಷೆ ಮಾಡಲಾಗಿದ್ದು, ಇದರಲ್ಲಿಶೇ16.39ರಷ್ಟು ಪ್ರಕರಣಗಳಲ್ಲಿ ಸೋಂಕು ಖಚಿತವಾಗಿವೆ ಎಂದು ರಾಜ್ಯ ಸರ್ಕಾರ ಪ್ರಕಟಿಸಿದೆ.

ಹೊಸದಾಗಿ 28,439 ಸೋಂಕಿತರು ಗುಣಮುಖರಾಗಿದ್ದು, ಸೋಂಕಿನಿಂದ ಇದುವರೆಗೆ ಚೇತರಿಸಿಕೊಂಡರವರ ಸಂಖ್ಯೆ41,58,504ಕ್ಕೆ ಏರಿದೆ. ರಾಜ್ಯದಲ್ಲಿ ಇನ್ನೂ2,08,773 ಸಕ್ರಿಯ ಪ್ರಕರಣಗಳು ಇವೆ ಎಂದೂ ತಿಳಿಸಿದೆ.

ರಾಜ್ಯದ14 ಜಿಲ್ಲೆಗಳ ಪೈಕಿ ತ್ರಿಶೂರ್‌ನಲ್ಲಿ ಹೆಚ್ಚಿನ ಗುಣಮುಖ ಪ್ರಕರಣಗಳು ಬೆಳಕಿಗೆ ಬಂದಿವೆ. ಇಲ್ಲಿ2,158 ಮಂದಿ ಆಸ್ಪತ್ರೆಗಳಿಂದ ಬಿಡುಗಡೆಯಾಗಿದ್ದಾರೆ. ಉಳಿದಂತೆಕೋಯಿಕ್ಕೋಡ್‌ (1,800), ಎರ್ನಾಕುಲಂ (1,694), ತಿರುವನಂತಪುರಂ (1,387), ಕೊಲ್ಲಂ (1,216), ಮಲಪ್ಪುರಂ (1,199), ಪಾಲಕ್ಕಾಡ್‌ (1,124), ಅಲಪ್ಪುಳ (1,118) ಮತ್ತು ಕೊಟ್ಟಾಯಂನಲ್ಲಿ (1,027) ಸಾವಿರಕ್ಕಿಂತ ಹೆಚ್ಚು ಸೋಂಕಿತರು ಗುಣಮುಖರಾಗಿದ್ದಾರೆ.