ಎಲ್‌ಜೆಪಿ ವಿವಾದ: ಚಿರಾಗ್‌, ಪರಾಸ್‌ ಬಣಗಳಿಗೆ ಪ್ರತ್ಯೇಕ ಪಕ್ಷದ ಹೆಸರು, ಚಿಹ್ನೆ

ನವದೆಹಲಿ: ಚಿರಾಗ್‌ ಪಾಸ್ವಾನ್‌ ಮತ್ತು ಪಶುಪತಿ ಕುಮಾರ್‌ ಪರಾಸ್‌ ಅವರ ಬಣಗಳಿಗೆ ಪ್ರತ್ಯೇಕ ಹೆಸರು ಮತ್ತು ಚುನಾವಣಾ ಚಿಹ್ನೆಗಳನ್ನು ಚುನಾವಣಾ ಆಯೋಗ ಮಂಗಳವಾರ ನೀಡಿದೆ.

ಚಿರಾಗ್‌ ಪಾಸ್ವಾನ್‌ ಗುಂಪಿಗೆ ‘ಲೋಕ ಜನಶಕ್ತಿ ಪಕ್ಷ (ರಾಮ್‌ ವಿಲಾಸ್‌)’ ಮತ್ತು ಚುನಾವಣಾ ಚಿಹ್ನೆಯಾಗಿ ‘ಹೆಲಿಕಾಪ್ಟರ್‌’ ಅನ್ನು ನಿಗದಿಪಡಿಸಲಾಗಿದ್ದರೆ, ಪರಾಸ್‌ ಗುಂಪಿಗೆ ‘ರಾಷ್ಟ್ರೀಯ ಲೋಕ ಜನಶಕ್ತಿ ಪಕ್ಷ’ ಹಾಗೂ ಚಿಹ್ನೆಯಾಗಿ ‘ಹೊಲಿಗೆ ಯಂತ್ರ’ವನ್ನು ‌ನಿಗದಿಪಡಿಸಲಾಗಿದೆ.

ಎರಡೂ ಗುಂಪಿನ ನಡುವಿನ ವಿವಾದ ಬಗೆಹರಿಯುವ ತನಕ ‘ಲೋಕ ಜನಶಕ್ತಿ ಪಕ್ಷ’ ಮತ್ತು ಅದರ ಚಿಹ್ನೆಯಾದ ‘ಬಂಗಲೆ’ಯನ್ನು ಬಳಸದಂತೆ ಚುನಾವಣಾ ಆಯೋಗ ಇತ್ತೀಚೆಗೆ ಮಧ್ಯಂತರ ಆದೇಶ ಹೊರಡಿಸಿತ್ತು.