ಮಣಿಪುರ: ಕುಕಿ ಸಮುದಾಯದ ಶಾಸಕರು ಸರ್ಕಾರದ ಭಾಗವಾಗಿಲ್ಲ; ಜೆಎಫ್7 ಸಂಘಟನೆ

ಇಂಫಾಲ್‌: ಬಿಜೆಪಿ ನಾಯಕ ವೈ.ಖೇಮಚಂದ್ ಸಿಂಗ್ ಅವರು ಮಣಿಪುರದ ಮುಖ್ಯಮಂತ್ರಿಯಾಗಿ ಪ್ರಮಾಣವಚನ ಸ್ವೀಕರಿಸಿದ ಬೆನ್ನಲ್ಲೆ ಕುಕಿ ಸಮುದಾಯದ ಸಂಘಟನೆಯೊಂದು ನಮ್ಮ ಶಾಸಕರು ಸರ್ಕಾರದ ಭಾಗವಾಗಿಲ್ಲ ಎಂದ ಹೇಳಿದೆ.

ಹೊಸ ಸರ್ಕಾರ ರಚನೆಯನ್ನು ವಿರೋಧಿಸಿ ಕುಕಿ ಸಮುದಾಯದ ಜೆಎಫ್7 ಸಂಘಟನೆ ಶುಕ್ರವಾರ ಚುರಚಂದಪುರ ಬಂದ್‌ಗೆ ಕರೆ ನೀಡಿದೆ. ಈ ದಿನ ಬೆಳಗ್ಗೆ 6ಗಂಟೆಯಿಂದ ಸಂಜೆ 6 ಗಂಟೆವರೆಗೆ ಸಂಪೂರ್ಣ ಬಂದ್‌ ಮಾಡಲಾಗುವುದು ಎಂದು ಹೇಳಿಕೊಂಡಿದೆ. 

ಕುಕಿ ಸಮುದಾಯದ ಮಹಿಳಾ ನಾಯಕಿ, ಬಿಜೆಪಿ ಶಾಸಕಿ ನೆಮ್ಚಾ ಕಿಪ್ಗೆನ್ ಹಾಗೂ ನಾಗಾ ಪೀಪಲ್ಸ್ ಫ್ರಂಟ್‌ನ ಶಾಸಕರಾದ ಎಲ್‌. ದಿಖೂ ಅವರೂ ರಾಜ್ಯದ ಉಪ ಮುಖ್ಯಮಂತ್ರಿಗಳಾಗಿ ಪ್ರಮಾಣ ವಚನ ಸ್ವೀಕರಿಸಿದ್ದಾರೆ.

ನೆಮ್ಚಾ ಕಿಪ್ಗೆನ್ ಅವರು ಸರ್ಕಾರದ ಭಾಗವಾಗಿಲ್ಲ ಎಂದು ಹೇಳಿಕೊಂಡಿದ್ದು, ಸರ್ಕಾರ ಮುಂದುವರೆಯಬಾರದು ಎಂದು ಜೆಎಫ್7 ಸಂಘಟನೆ ಆಗ್ರಹಿಸಿದೆ ಎಂದು ಸ್ಥಳೀಯ ಮಾಧ್ಯಮಗಳು ವರದಿ ಮಾಡಿವೆ