ಉತ್ತರಕಾಶಿ: ಯಂತ್ರ ಬಳಸದೆ ಸುರಂಗ ಕೊರೆಯುವುದು ಹೇಗೆ? ವಿಡಿಯೊ ಬಿಡುಗಡೆ

ಉತ್ತರಕಾಶಿ: ಸಿಲ್ಕ್ಯಾರಾ ಸುರಂಗದಡಿಯಲ್ಲಿ ಸಿಲುಕಿರುವ 41 ಕಾರ್ಮಿಕರ ರಕ್ಷಣೆಗೆ ಯಂತ್ರ ಬಳಸದೆ ಸುರಂಗ ಕೊರೆಯುವ ಕಾರ್ಯ ಆರಂಭವಾಗಿದೆ. ಸಿಬ್ಬಂದಿಯೇ ಯಾವ ರೀತಿ ಸುರಂಗ ಕೊರೆಯುತ್ತಾರೆ, ಅಗರ್ ಯಂತ್ರದ ಮೂಲಕ ಪೈಪ್ ಅನ್ನು ಹೇಗೆ ಒಳಗೆ ತೂರಿಸುತ್ತಾರೆ ಎನ್ನುವ ಬಗ್ಗೆ ವಿಡಿಯೊವನ್ನು ಬಿಡುಗಡೆ ಮಾಡಲಾಗಿದೆ.

ಇಲ್ಲಿಯವರೆಗೆ, ಸುಮಾರು ಎರಡು ಮೀಟರ್‌ನಷ್ಟು ಸುರಂಗವನ್ನು ಅಡ್ಡಲಾಗಿ ಕೊರೆಯುವ ಕೆಲಸ ಪೂರ್ಣಗೊಂಡಿದೆ ಎಂದು ಎಎನ್ಐ ವರದಿ ಮಾಡಿದೆ. 

ಏಕಕಾಲದಲ್ಲಿ, ಸುರಂಗದ ಮೇಲಿನಿಂದ ಲಂಬ ಕೊರೆಯುವಿಕೆಯನ್ನೂ ಮುಂದುವರಿಸಲಾಗಿದ್ದು, ಅಗತ್ಯವಿರುವ 86 ಮೀಟರ್‌ಗಳಲ್ಲಿ 36 ಮೀಟರ್ ಆಳವನ್ನು ತಲುಪಿದೆ.

12 ಗಣಿಗಾರಿಕೆ ತಜ್ಞರು ಯಂತ್ರವಿಲ್ಲದೆ ಸುರಂಗ ಕೊರೆಯುವ ಕೆಲಸದಲ್ಲಿ ತೊಡಗಿದ್ದಾರೆ. 

ರಕ್ಷಣಾ ಕಾರ್ಯ ನಡೆಯುತ್ತಿರುವ ಸ್ಥಳದಲ್ಲಿ ವೈದ್ಯರ ಹಾಗೂ ಮನಃಶಾಸ್ತ್ರಜ್ಞರ ಒಂದು ತಂಡ ಕೂಡ ಇದೆ. ಸುರಂಗದ ಒಳಗಡೆ ಸಿಲುಕಿರುವ ಕಾರ್ಮಿಕರ ಜೊತೆ ವೈದ್ಯರು ದಿನಕ್ಕೆರಡು ಬಾರಿ ಮಾತನಾಡುತ್ತಾರೆ. ಅಲ್ಲದೆ, ಕುಟುಂಬದ ಸದಸ್ಯರಿಗೆ ಅವರೊಂದಿಗೆ ಯಾವಾಗ ಬೇಕಿದ್ದರೂ ಮಾತನಾಡಲು ಅವಕಾಶ ಇದೆ.