‘2019–20’ ನಿರ್ಮಾಣ ತಂತ್ರಜ್ಞಾನ ವರ್ಷ: ಪ್ರಧಾನಿ ಮೋದಿ ಘೋಷಣೆ
Published 3 ಮಾರ್ಚ್ 2019, 1:14 IST
ನರೇಂದ್ರ ಮೋದಿ
ನವದೆಹಲಿ:2019ರ ಏಪ್ರಿಲ್‌ನಿಂದ 2020ರ ಮಾರ್ಚ್‌ವರೆಗಿನ ಅವಧಿಯನ್ನು ‘ನಿರ್ಮಾಣ ತಂತ್ರಜ್ಞಾನ ವರ್ಷ’ ಎಂದು ಪ್ರಧಾನಿ ನರೇಂದ್ರ ಮೋದಿಘೋಷಿಸಿದರು.
ದೆಹಲಿಯಲ್ಲಿನಿರ್ಮಾಣ ತಂತ್ರಜ್ಞಾನ ಕುರಿತ ವಸ್ತುಪ್ರದರ್ಶನ ಉದ್ಘಾಟಿಸಿ ಮಾತನಾಡಿದ ಅವರು, ‘ನಗರೀಕರಣದ ಪರಿಣಾಮ ಹೆಚ್ಚುತ್ತಿರುವ ವಸತಿ ಬೇಡಿಕೆಯನ್ನು ಪೂರೈಸುವ ಉದ್ದೇಶದಿಂದ ಮತ್ತು ಈ ನಿಟ್ಟಿನಲ್ಲಿ ಸುಧಾರಿತ ತಂತ್ರಜ್ಞಾನವನ್ನು ಬಳಸಿಕೊಳ್ಳಬೇಕಾಗಿರುವುದರಿಂದ ಈ ಘೋಷಣೆ ಮಾಡಲಾಗಿದೆ’ ಎಂದರು.
‘2022ರ ವೇಳೆಗೆ ಪ್ರತಿಯೊಬ್ಬರಿಗೂ ವಸತಿ ಸೌಲಭ್ಯ ಒದಗಿಸುವ ಸರ್ಕಾರದ ಮಹತ್ವಾಕಾಂಕ್ಷೆಯ ಯೋಜನೆಗೆ ಖಾಸಗಿ ವಲಯದ ಬೆಂಬಲವೂ ಬೇಕು’ ಎಂದು ಹೇಳಿದರು.
‘ಎನ್‌ಡಿಎ ಸರ್ಕಾರವು 1.3 ಕೋಟಿ ಮನೆಗಳನ್ನು ನಿರ್ಮಿಸಿದೆ. ಆದರೆ, ಹಿಂದಿನ ಸರ್ಕಾರ ಕೇವಲ 25 ಲಕ್ಷ ಮನೆಗಳನ್ನು ನಿರ್ಮಾಣ ಮಾಡಿತ್ತು’ ಎಂದು ಅವರು ತಿಳಿಸಿದರು.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.