ಮುಂಬೈಯಲ್ಲಿ ಒಂದೇ ದಿನ 6,347 ಕೋವಿಡ್ ಪ್ರಕರಣ: ದೆಹಲಿಯಲ್ಲೂ ಹೆಚ್ಚಿದ ಪಾಸಿಟಿವಿಟಿ

ಮುಂಬೈ: ವಾಣಿಜ್ಯ ನಗರಿ ಮುಂಬೈಯಲ್ಲಿ ಶನಿವಾರ ಒಂದೇ ದಿನ 6,347 ಕೋವಿಡ್ ಪ್ರಕರಣಗಳು ದೃಢಪಟ್ಟಿವೆ. ಈ ಪೈಕಿ 5,712 ಮಂದಿ ಸೋಂಕಿತರು ರೋಗ ಲಕ್ಷಣ ಹೊಂದಿಲ್ಲ ಎಂದು ಮುಂಬೈ ನಗರ ಪಾಲಿಕೆ ಪ್ರಕಟಣೆಯಲ್ಲಿ ತಿಳಿಸಿದೆ.

451 ಸೋಂಕಿತರು ಚೇತರಿಸಿಕೊಂಡಿದ್ದಾರೆ. ನಗರದಲ್ಲಿ ಸಕ್ರಿಯ ಪ್ರಕರಣಗಳ ಸಂಖ್ಯೆ 22,334ಕ್ಕೆ ಏರಿಕೆಯಾಗಿದೆ.

ಇದನ್ನೂ ಓದಿ:Karnataka Covid Update: 1,033 ಹೊಸ ಪ್ರಕರಣ, 5 ಮಂದಿ ಸೋಂಕಿತರು ಸಾವು

ಶುಕ್ರವಾರ ಕೂಡ ನಗರದಲ್ಲಿ 5,631 ಕೋವಿಡ್ ಪ್ರಕರಣಗಳು ವರದಿಯಾಗಿದ್ದವು.

ರಾಷ್ಟ್ರ ರಾಜಧಾನಿ ದೆಹಲಿಯಲ್ಲಿಯೂ ಶನಿವಾರ 2,761 ಪ್ರಕರಣಗಳು ದೃಢಪಟ್ಟಿವೆ. ಇದು ನಿನ್ನೆಯ ಸೋಂಕು ಪ್ರಕರಣಗಳಿಗೆ ಹೋಲಿಸಿದರೆ ಶೇ 51ರಷ್ಟು ಹೆಚ್ಚಾಗಿದೆ. ಪಾಸಿಟಿವಿಟಿ ದರ ಶೇ 3.64ಕ್ಕೆ ಏರಿಕೆಯಾಗಿದೆ. ದೆಹಲಿಯಲ್ಲಿ ಸದ್ಯ 6,360 ಸಕ್ರಿಯ ಪ್ರಕರಣಗಳಿವೆ.