ಪಹಲ್ಗಾಮ್‌ ದಾಳಿ: ಚಿತ್ರ, ವಿಡಿಯೊ ಹಂಚಿಕೊಳ್ಳಿ–ಎನ್‌ಐಎ

ನವದೆಹಲಿ (ಪಿಟಿಐ): ಪಹಲ್ಗಾಮ್‌ ಭಯೋತ್ಪಾದಕರ ದಾಳಿಗೆ ಸಂಬಂಧಿಸಿದಂತೆ ಪ್ರವಾಸಿಗರು ಮತ್ತು ಸ್ಥಳೀಯರ ಬಳಿ ಯಾವುದೇ ರೀತಿಯ ಫೋಟೊ, ವಿಡಿಯೊ ದಾಖಲೆಗಳಿದ್ದರೆ ಅವುಗಳನ್ನು ತನ್ನೊಂದಿಗೆ ಹಂಚಿಕೊಳ್ಳಿ ಎಂದು ರಾಷ್ಟ್ರೀಯ ತನಿಖಾ ಸಂಸ್ಥೆ (ಎನ್‌ಐಎ) ಕರೆ ನೀಡಿದೆ. 

ತನಿಖಾ ಸಂಸ್ಥೆಯು ಈಗಾಗಲೇ ಸಾಕಷ್ಟು ಫೋಟೊಗಳು ಮತ್ತು ವಿಡಿಯೊಗಳನ್ನು ವಶಕ್ಕೆ ಪಡೆದು, ಪರಿಶೀಲಿಸುತ್ತಿದೆ. ಆದರೆ, ತನಿಖೆಗೆ ಸಹಕಾರಿ ಆಗುವಂತಹ ಯಾವುದೇ ರೀತಿಯ ಮಾಹಿತಿ ಅಥವಾ ದಾಖಲೆಗಳು ಕೈತಪ್ಪಬಾರದು ಎಂಬ ಉದ್ದೇಶವನ್ನು ಎನ್‌ಐಎ ಹೊಂದಿದೆ ಎಂದು ಪ್ರಕಟಣೆ ಹೇಳಿದೆ.

ಈ ರೀತಿಯ ದಾಖಲೆ ಅಥವಾ ಮಾಹಿತಿಗಳಿದ್ದಲ್ಲಿ 96-54-958-816 ಅಥವಾ 011- 24368800 ಸಂಪರ್ಕಿಸುವಂತೆ ಎನ್‌ಐಎ ತಿಳಿಸಿದೆ.