ಡ್ರೀಮ್‌ಲೈನರ್‌ನಲ್ಲಿ ಗಂಭೀರ ಸಮಸ್ಯೆಗಳಿಲ್ಲ: ಡಿಜಿಸಿಎ

ನವದೆಹಲಿ: ಏರ್‌ ಇಂಡಿಯಾದ 33 ಡ್ರೀಮ್‌ಲೈನರ್‌ ವಿಮಾನಗಳ ಪೈಕಿ 24ರಲ್ಲಿ ಸುರಕ್ಷತೆಗೆ ಸಂಬಂಧಿಸಿದಂತೆ ಯಾವುದೇ ಗಂಭೀರ ಸಮಸ್ಯೆಗಳು ಕಂಡುಬಂದಿಲ್ಲ ಎಂದು ನಾಗರಿಕ ವಿಮಾನಯಾನ ನಿರ್ದೇಶನಾಲಯ (ಡಿಜಿಸಿಎ) ಮಂಗಳವಾರ ಹೇಳಿದೆ.

ಜೂ.12ರಂದು ನಡೆದ ವಿಮಾನ ದುರಂತದ ಬಳಿಕ ಡ್ರೀಮ್‌ಲೈನರ್ ವಿಮಾನಗಳ ಪರಿಶೀಲನೆಯನ್ನು ಡಿಜಿಸಿಎ ಕೈಗೆತ್ತಿಕೊಂಡಿತ್ತು. ಪರಿಶೀಲನೆ ವೇಳೆ ವಿಮಾನ ಮತ್ತು ಸಂಬಂಧಿತ ನಿರ್ವಹಣಾ ವ್ಯವಸ್ಥೆಗಳು ಅಸ್ತಿತ್ವದಲ್ಲಿರುವ ಸುರಕ್ಷತಾ ಮಾನದಂಡಗಳಿಗೆ ಅನುಗುಣವಾಗಿಯೇ ಇರುವುದು ಕಂಡುಬಂದಿದೆ ಎಂದು ಡಿಜಿಸಿಎ ಪ್ರಕಟಣೆಯಲ್ಲಿ ತಿಳಿಸಿದೆ.