ಪಾಸ್‌ಪೋರ್ಟ್‌ಗೆ ಡಿಜಿಲಾಕರ್‌ನಿಂದಲೂ ದಾಖಲೆ ಸಲ್ಲಿಸಬಹುದು: ಸರ್ಕಾರ

ನವದೆಹಲಿ: ಪಾಸ್‌ಪೋರ್ಟ್ ಸೇವೆಯನ್ನು ಡಿಜಿಲಾಕರ್‌ನೊಂದಿಗೆ ಸಂಯೋಜಿಸುವ ಹೊಸ ಯೋಜನೆಗೆ ಕೇಂದ್ರ ಸರ್ಕಾರ ಚಾಲನೆ ನೀಡಿದೆ. ವಿದೇಶಾಂಗ ಇಲಾಖೆಯ ರಾಜ್ಯ ಖಾತೆ ಸಚಿವ ವಿ.ಮುರಳೀಧರನ್ ಅವರು ಯೋಜನೆಗೆ ಚಾಲನೆ ನೀಡಿದ್ದಾರೆ.

ಇದರಿಂದಾಗಿ, ಇನ್ನು ಮುಂದೆ ಪಾಸ್‌ಪೋರ್ಟ್‌ಗೆ ಅರ್ಜಿ ಸಲ್ಲಿಸುವವರು ಮೂಲ ದಾಖಲೆಗಳನ್ನೇ ಒದಗಿಸಬೇಕೆಂದಿಲ್ಲ. ಬದಲಾಗಿ ಡಿಜಿಲಾಕರ್‌ನಲ್ಲಿರುವ ದಾಖಲೆಗಳನ್ನೂ ಸಲ್ಲಿಸಬಹುದಾಗಿದೆ.

ಶೀಘ್ರದಲ್ಲೇ ಇ–ಪಾಸ್‌ಪೋರ್ಟ್ ನೀಡುವ ಯೋಜನೆ ಆರಂಭಿಸಲೂ ಸರ್ಕಾರ ಚಿಂತನೆ ನಡೆಸಿದೆ.

ಓದಿ:ಆರು ವಾರಕ್ಕಿಂತ, ಮೂರು ತಿಂಗಳ ಅವಧಿಯ ಲಸಿಕೆ ಡೋಸೇಜ್‌ಗಳು ಪರಿಣಾಮಕಾರಿ: ಅಧ್ಯಯನ