ತೆಲಂಗಾಣ: ಮೂರು ವಿಧಾನಪರಿಷತ್‌ ಸ್ಥಾನಗಳಿಗೆ ಗುರುವಾರ ಮತದಾನ

ಹೈದರಾಬಾದ್‌: ತೆಲಂಗಾಣದಲ್ಲಿ ಮೂರು ವಿಧಾನ ಪರಿಷತ್‌ (ಎಂಎಲ್‌ಸಿ) ಸ್ಥಾನಗಳಿಗೆ ಗುರುವಾರ (ಫೆ.27) ಮತದಾನ ನಡೆಯಲಿದೆ.

ಮೆಡಕ್‌–ನಿಜಾಮಬಾದ್‌–ಅದಿಲಬಾದ್‌–ಕರೀಂನಗರ ಪದವೀಧರ ಮತ್ತು ಶಿಕ್ಷಕರ ಕೇತ್ರಗಳು ಹಾಗೂ ವಾರಂಗಲ್‌–ಕಮ್ಮಂ–ನೆಲಗೊಂಡ ಶಿಕ್ಷಕರ ಕೇತ್ರಕ್ಕೆ ಮತದಾನ ನಡೆಯಲಿದೆ. 

ಗುರುವಾರ ಬೆಳಗ್ಗೆ 8ಗಂಟೆಯಿಂದ ಸಂಜೆ 4 ಗಂಟೆವರೆಗೆ ಮತದಾನ ನಡೆಯಲಿದೆ. 

ಬಿಜೆಪಿ ಮೂರು ಸ್ಥಾನಗಳಿಗೆ ಸ್ಪರ್ಧೆ ಮಾಡಿದೆ. ಬಿಆರ್‌ಎಸ್‌ ಪಕ್ಷ ಯಾವ ಕ್ಷೇತ್ರಗಳಿಗೂ ಸ್ಪರ್ಧೆ ಮಾಡಿಲ್ಲ. ಕಾಂಗ್ರೆಸ್‌ ಒಂದು ಪದವೀಧರ ಕ್ಷೇತ್ರಕ್ಕೆ ಮಾತ್ರ ಸ್ಪರ್ಧೆ ಮಾಡಿದೆ. 

ಈ ಮೂರು ಕ್ಷೇತ್ರಗಳಲ್ಲಿ 56 ಅಭ್ಯರ್ಥಿಗಳು ಸ್ಪರ್ಧಿಸಿದ್ದಾರೆ. ಬಿಜೆಪಿ ಪರವಾಗಿ ಕೇಂದ್ರ ಸಚಿವರಾದ ಕಿಶನ್‌ ರೆಡ್ಡಿ, ಬಂಡಿ ಸಂಜಯ್ ಕುಮಾರ್‌ ಹಾಗೂ ರಾಜ್ಯ ನಾಯಕರು ತಮ್ಮ ಪಕ್ಷದ ಅಭ್ಯರ್ಥಿಗಳ ಪರವಾಗಿ ಪ್ರಚಾರ ಮಾಡಿದ್ದಾರೆ. ಕಾಂಗ್ರೆಸ್‌ ಪರವಾಗಿ ಸಿಎಂ ರೇವಂತ್‌ ರೆಡ್ಡಿ, ಕಾಂಗ್ರೆಸ್‌ ರಾಜ್ಯ ಘಟಕದ ಅಧ್ಯಕ್ಷ ಮಹೇಶ್‌ ಕುಮಾರ್‌ ಗೌಡ ಪ್ರಚಾರ ಮಾಡಿದ್ದಾರೆ. 

ಮಾರ್ಚ್‌ 3ರಂದು ಮತ ಎಣಿಕೆ ನಡೆಯಲಿದ್ದು ಅಂದು ಸಂಜೆ ಫಲಿತಾಂಶ ಬರಲಿದೆ.