ನ್ಯೂಜಿಲೆಂಡ್‌ ಸಚಿವೆಯಾಗಿ ಪ್ರಿಯಾಂಕಾ ರಾಧಾಕೃಷ್ಣನ್

ಮೆಲ್ಬರ್ನ್‌: ನ್ಯೂಜಿಲೆಂಡ್‌ ಪ್ರಧಾನಿಜೆಸಿಂದಾ ಅರ್ಡರ್ನ್ ತಮ್ಮ ಸಚಿವ ಸಂಪುಟವನ್ನು ವಿಸ್ತರಣೆ ಮಾಡಿದ್ದು, ಭಾರತೀಯ ಸಂಜಾತೆ ಪ್ರಿಯಾಂಕಾ ರಾಧಾಕೃಷ್ಣನ್‌ ಸೇರಿದಂತೆ ಐವರನ್ನು ನೂತನ ಸಚಿವರಾಗಿ ಸೇರ್ಪಡೆಗೊಳಿಸಿದ್ದಾರೆ.

ಭಾರತೀಯ ಮೂಲದವರೊಬ್ಬರು ನ್ಯೂಜಿಲೆಂಡ್‌ ಸಚಿವರಾಗಿ ಅಧಿಕಾರ ಸ್ವೀಕರಿಸುತ್ತಿರುವುದು ಇದೇ ಮೊದಲಾಗಿದೆ. ಅವರಿಗೆ ಸಮುದಾಯ ಮತ್ತು ಸ್ವಯಂಸೇವಾ ವಲಯ ಇಲಾಖೆಯ ಜವಾಬ್ದಾರಿ ನೀಡಲಾಗಿದ್ದು, ಸಾಮಾಜಿಕ ಅಭಿವೃದ್ಧಿ ಮತ್ತು ಉದ್ಯೋಗ ಇಲಾಖೆಯ ಸಹಾಯಕ ಸಚಿವೆಯಾಗಿಯೂ ಅವರು ಕಾರ್ಯನಿರ್ವಹಿಸಲಿದ್ದಾರೆ.

ಭಾರತದಲ್ಲಿ ಹುಟ್ಟಿದ ಪ್ರಿಯಾಂಕ ಅವರು ಸಿಂಗಪುರದಲ್ಲಿ ತಮ್ಮ ಶಿಕ್ಷಣ ಶಿಕ್ಷಣ ಪಡೆದಿದ್ದರು. ಉನ್ನತ ಶಿಕ್ಷಣಕ್ಕಾಗಿ ಅವರು ನ್ಯೂಜಿಲೆಂಡ್‌ಗೆ ತೆರಳಿದ್ದರು. ಕೌಟುಂಬಿಕ ದೌರ್ಜನ್ಯಕ್ಕೆ ಒಳಗಾದ ಮಹಿಳೆಯರು, ವಲಸೆ ಕಾರ್ಮಿಕರ ಧ್ವನಿಯಾಗಿದ್ದ ಪ್ರಿಯಾಂಕಾ ಅವರು, ಲೇಬರ್‌ ಪಕ್ಷದಿಂದ 2017 ಸೆಪ್ಟೆಂಬರ್‌ನಲ್ಲಿ ಮೊದಲ ಬಾರಿಗೆ ಸಂಸದರಾಗಿ ಆಯ್ಕೆಯಾಗಿದ್ದರು.