ಮೋಹನ್ ಭಾಗವತ್ 71ನೇ ಹುಟ್ಟುಹಬ್ಬ: ಯಾವುದೇ ಆಚರಣೆ ಇಲ್ಲ
Published 11 ಸೆಪ್ಟೆಂಬರ್ 2021, 10:30 IST
ಮೋಹನ್ ಭಾಗವತ್
ಧನಬಾದ್: ಆರ್‌ಎಸ್‌ಎಸ್‌ ಮುಖ್ಯಸ್ಥ ಮೋಹನ್ ಭಾಗವತ್ ಅವರ 71ನೇ ಹುಟ್ಟುಹಬ್ಬ ಇಂದು. ಆದರೆ ಅವರು ಈ ದಿನವನ್ನು ಎಂದಿನಂತೆಯೇ ಕಳೆದರು. ಯಾವುದೇ ಸಂಭ್ರಮಾಚರಣೆಯನ್ನು ಆಯೋಜಿಸಿರಲಿಲ್ಲ.
ಜಾರ್ಖಂಡ್‌ನ ಧನಬಾದ್‌ನಲ್ಲಿ ಮೂರು ದಿನಗಳ ಪ್ರವಾಸದಲ್ಲಿರುವ ಭಾಗವತ್ ಅವರು ತಮ್ಮ ಹುಟ್ಟುಹಬ್ಬದ ಅಂಗವಾಗಿ ಯಾವುದೇ ಉಡುಗೊರೆಯನ್ನೂ ಸ್ವೀಕರಿಸಿಲ್ಲ.
‘ನಾವು ಹುಟ್ಟುಹಬ್ಬ ಆಚರಣೆಯನ್ನು ನಿರೀಕ್ಷಿಸಿದ್ದೆವು. ಆದರೆ ಯಾವುದೇ ಸಂಭ್ರಮಾಚರಣೆಗಳು ನಡೆದಿಲ್ಲ. ಮೋಹನ್ ಭಾಗವತ್ ಅವರು ಯೋಜನೆಯಂತೆ ಧನಬಾದ್‌ನ ಶಾಖಾ ಶಿಕ್ಷಕರನ್ನು ಭೇಟಿಯಾದರು. ಬಳಿಕ ಜಾರ್ಖಾಂಡ್‌ನ ಆರ್‌ಎಸ್‌ಎಸ್‌ ಘಟಕದ ಕಾರ್ಯಕಾರಿ ಸದಸ್ಯರುಗಳೊಂದಿಗೆ ಮಾತುಕತೆ ನಡೆಸಿದರು’ ಎಂದು ಆರ್‌ಎಸ್‌ಎಸ್‌ ಕಾರ್ಯಕರ್ತರೊಬ್ಬರು ತಿಳಿಸಿದರು.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.