ಭಾರತೀಯ ನೌಕಾಪಡೆಯಲ್ಲಿ ಮಹಿಳೆಯರ ಕಾಯಂ ನೇಮಕಾತಿಗೆ ಸುಪ್ರೀಂ ಕೋರ್ಟ್ ಅನುಮತಿ

ನವದೆಹಲಿ: ಭಾರತೀಯ ನೌಕಾಪಡೆಯಲ್ಲಿ ಮಹಿಳೆಯರ ಕಾಯಂ ನೇಮಕಾತಿಗೆ ಸುಪ್ರೀಂಕೋರ್ಟ್‌ ಮಂಗಳವಾರ ಒಪ್ಪಿಗೆ ನೀಡಿದೆ.

ನ್ಯಾಯಮೂರ್ತಿ ಡಿ. ವೈ ಚಂದ್ರಚೂಡ್ ನೇತೃತ್ವದ ನ್ಯಾಯಪೀಠವು ಕೇಂದ್ರ ಸರ್ಕಾರಕ್ಕೆ ಈ ನಿರ್ದೇಶನ ನೀಡಿದೆ.

ಇದನ್ನೂ ಓದಿ:Explainer | 'ಮಹಿಳೆ ಕಮಾಂಡರ್' ಸೇನೆಯಲ್ಲಿ ಉನ್ನತ ಹುದ್ದೆಯ ಕನಸಿಗೆ ಗರಿ

ದೇಶದ ಸೇವೆ ಮಾಡುವ ಮಹಿಳಾ ನೌಕಾಪಡೆಗೆ ಕಾಯಂ ನೇಮಕಾತಿಗೆ ಮಾಡದೇ ಇದ್ದರೆ ಅದು ಅವರಿಗೆ ಮಾಡುವಅನ್ಯಾಯ ಎಂದು ಸುಪ್ರೀಂಕೋರ್ಟ್ ಅಭಿಪ್ರಾಯಪಟ್ಟಿದೆ.

ಭಾರತೀಯ ಸೇನಾಪಡೆಯಲ್ಲಿ ಖಾಯಂ ಆಯೋಗಕ್ಕೆ ತೀರ್ಪು ನೀಡಿದ ಬೆನ್ನಲ್ಲೇ ಉಚ್ಛ ನ್ಯಾಯಾಲಯ ನೌಕಾಪಡೆಯಲ್ಲಿಯೂ ಕಾಯಂ ನೇಮಕಾತಿಗೆ ಅನುಮತಿ ನೀಡಿದೆ.

ಶಾರ್ಟ್‌ ಸರ್ವಿಸ್‌ ಕಮಿಷನ್‌ (ಎಸ್‌ಎಸ್‌ಸಿ)ಗಿಂತ ಭಿನ್ನವಾಗಿ ಅವನು / ಅವಳು ನಿವೃತ್ತಿಯಾಗುವವರೆಗೂ ನೌಕಾಪಡೆಯಲ್ಲಿ ಸೇವೆ ಸಲ್ಲಿಸಲು ಖಾಯಂ ಆಯೋಗವು ಅರ್ಹತೆ ನೀಡುತ್ತದೆ. ಇದು ಪ್ರಸ್ತುತ 10 ವರ್ಷಗಳಾಗಿದ್ದು, ಇನ್ನೂ ನಾಲ್ಕು ವರ್ಷಗಳು ಅಥವಾ ಒಟ್ಟು 14 ವರ್ಷಗಳನ್ನು ವಿಸ್ತರಿಸಬಹುದಾಗಿದೆ.