Delhi Blast: 'ತ್ರೀಮಾ' ಅಪ್ಲಿಕೇಷನ್‌ ಬಳಸುತ್ತಿದ್ದ ಶಂಕಿತರು

ನವದೆಹಲಿ: ದೆಹಲಿ ಸ್ಫೋಟ ಪ್ರಕರಣದಲ್ಲಿ ಬಂಧಿತರಾಗಿರುವ ಅಲ್– ಫಲಾಹ್‌ ವಿಶ್ವವಿದ್ಯಾಲಯ ಮೂವರು ವೈದ್ಯರು, ತಮ್ಮ ನಡುವಿನ ಸಂವಹನ, ಚಿತ್ರ, ನಕ್ಷೆ, ಸ್ಥಳದ ವಿವರವನ್ನು ಹಂಚಿಕೊಳ್ಳಲು ‘ತ್ರೀಮಾ’ ಎಂಬ ಗೂಢಲಿಪಿಯ ‘ಇನ್‌ಸ್ಟಂಟ್‌ ಮೆಸೇಜಿಂಗ್‌ ಅಪ್ಲಿಕೇಷನ್‌’ ಬಳಸುತ್ತಿದ್ದರು ಎಂಬ ಮಾಹಿತಿ ವಿಚಾರಣೆ ವೇಳೆ ತಿಳಿದುಬಂದಿದೆ. 

ಸ್ವಿಟ್ಜರ್ಲೆಂಡ್‌ನ ‘ತ್ರಿಮಾ’ ಅಪ್ಲಿಕೇಷನ್‌ ಮೂಲಕ ಮೊಬೈಲ್‌ ನಂಬರ್‌ ಅಥವಾ ಇಮೇಲ್‌ ಇಲ್ಲದೆಯೂ ಮೆಸೇಜ್‌, ವಿಡಿಯೊ ಮತ್ತು ಆಡಿಯೊ ಕರೆಗಳನ್ನು ಮಾಡಬಹುದಾಗಿದೆ. ಈ ಆ್ಯಪ್‌ನಿಂದ ಕರೆ, ಎಸ್‌ಎಂಎಸ್‌ ಸೋರಿಕೆ ಮಾಡುವ ಸಾಧ್ಯತೆ ಕಡಿಮೆ.