ನವದೆಹಲಿ: 22ನೇ ಕಾನೂನು ಆಯೋಗದ ಅವಧಿ ವಿಸ್ತರಣೆ

ನವದೆಹಲಿ(ಪಿಟಿಐ): ಪ್ರಸ್ತುತವಲ್ಲದ ಕಾನೂನು ಗುರುತಿಸಲು ಮತ್ತು ಅವುಗಳನ್ನು ರದ್ದುಪಡಿಸಲು ಶಿಫಾರಸು ಮಾಡುವ ಸಂಬಂಧ 22ನೇ ಕಾನೂನು ಆಯೋಗದ ಅವಧಿಯನ್ನು ಕೇಂದ್ರ ಸಚಿವ ಸಂಪುಟ ಬುಧವಾರ ಒಂದೂವರೆ ವರ್ಷ ವಿಸ್ತರಿಸಿದೆ.

ಸಮಿತಿ ಅವಧಿಯನ್ನು 2024 ರ ಆಗಸ್ಟ್ 31ವರೆಗೆ ವಿಸ್ತರಿಸಲಾಗಿದೆ. ಆಯೋಗದ ಮೂರು ವರ್ಷಗಳ ಅವಧಿ ಸೋಮವಾರ ಕೊನೆಗೊಂಡಿದೆ. 22ನೇ ಕಾನೂನು ಆಯೋಗವನ್ನು 2020ರ ಫೆಬ್ರವರಿ 21ರಂದು ಮೂರು ವರ್ಷಗಳ ಅವಧಿಗೆ ರಚಿಸಲಾಯಿತು.