ಮೆಟ್ರೊ ರೈಲು ನಿಲ್ದಾಣಗಳಿಗೆ ಮಾಜಿ ಸಿಎಂಗಳ ಹೆಸರು: ತಮಿಳುನಾಡು ಸರ್ಕಾರ ಘೋಷಣೆ

ಚೆನ್ನೈ: ನಗರದ ಮೂರು ಮೆಟ್ರೊ ರೈಲು ನಿಲ್ದಾಣಗಳಿಗೆ ಮಾಜಿ ಮುಖ್ಯಮಂತ್ರಿಗಳ ಹೆಸರು ಇಡಲಾಗುವುದು ಎಂದು ತಮಿಳುನಾಡು ಸರ್ಕಾರ ಶುಕ್ರವಾರ ಘೋಷಿಸಿದೆ.

ಅಳಂದೂರು ನಿಲ್ದಾಣವನ್ನು ‘ಅರೈನಾರ್‌ ಅಣ್ಣಾ ಅಳಂದೂರು ಮೆಟ್ರೊ’, ಸೆಂಟ್ರಲ್‌ ನಿಲ್ದಾಣವನ್ನು ‘ಪುರಚ್ಚಿ ತಲೈವರ್ ಡಾ.ಎಂ.ಜಿ.ರಾಮಚಂದ್ರನ್‌ ಸೆಂಟ್ರಲ್‌ ಮೆಟ್ರೊ’ ಹಾಗೂ ಸಿಎಂಬಿಟಿ ನಿಲ್ದಾಣವನ್ನು ‘ಪುರಚ್ಚಿ ತಲೈವಿ ಜೆ.ಜಯಲಲಿತಾ ಸಿಎಂಬಿಟಿ ಮೆಟ್ರೊ’ ಎಂಬುದಾಗಿ ನಾಮಕರಣ ಮಾಡಲಾಗುವುದು ಎಂದು ಸರ್ಕಾರ ತಿಳಿಸಿದೆ.

‘ಉನ್ನತ ಮಟ್ಟದ ಸಮಿತಿಯ ಶಿಫಾರಸಿನಂತೆ ಈ ನಿಲ್ದಾಣಗಳಿಗೆ ಮರುನಾಮಕರಣದ ನಿರ್ಧಾರ ಕೈಗೊಳ್ಳಲಾಗಿದೆ’ ಎಂದು ಮುಖ್ಯಮಂತ್ರಿ ಕೆ.ಪಳನಿಸ್ವಾಮಿ ತಿಳಿಸಿದ್ದಾರೆ.