ತಂದೆ–ತಾಯಿ ಮನವಿಗೆ ಸ್ಪಂದಿಸಿ ಶರಣಾದ ಉಗ್ರರು: ಕಾಶ್ಮೀರದ ರೋಚಕ ವಿಡಿಯೊ ನೋಡಿ

ಶ್ರೀನಗರ: ಜಮ್ಮು–ಕಾಶ್ಮೀರದ ಕುಲ್ಗಾಂನಲ್ಲಿ ಬುಧವಾರ ನಡೆದ ಎನ್‌ಕೌಂಟರ್ ಸಂದರ್ಭದಲ್ಲಿ ಇಬ್ಬರು ಉಗ್ರರು ಶರಣಾಗಿದ್ದಾರೆ.

ಶರಣಾದ ಭಯೋತ್ಪಾದಕರು ಸ್ಥಳಿಯರಾಗಿದ್ದು, ಅವರ ಪೋಷಕರು ಬಂದು ಶಸ್ತ್ರಾಸ್ತ್ರ ತ್ಚಿಿಸುವಂತೆ ಮನವಿ ಮಾಡಿದ ಬಳಿಕ ಶರಣಾಗಿದ್ದಾರೆ.

ಏನಿದು ಘಟನೆ?: ಜಮ್ಮು ಮತ್ತು ಕಾಶ್ಮೀರದ ಕುಲ್ಗಾಂ ಜಿಲ್ಲೆಯ ಹಡಿಗಮ್‌ನಲ್ಲಿ ಇಬ್ಬರು ಉಗ್ರರು ಅಡಗಿರುವ ಖಚಿತ ಮಾಹಿತಿಮೇರೆಗೆ ಭದ್ರತಾ ಪಡೆ ಕಾರ್ಯಾಚರಣೆ ಆರಂಭಿಸಿತ್ತು. ಈ ಸಂದರ್ಭ ಸೇನಾಧಿಕಾರಿಗಳುಉಗ್ರರ ಪೋಷಕರನ್ನು ಸ್ಥಳಕ್ಕೆ ಕರೆತಂದರು. ಶಸ್ತ್ರಾಸ್ತ್ರ ತ್ಯಜಿಸುವಂತೆ ಪೋಷಕರು ಮಾಡಿದ ಮನವಿಗೆ ಸ್ಪಂದಿಸಿದ ಉಗ್ರರು ಶರಣಾಗಿದ್ದಾರೆ.

ಶರಣಾಗಿರುವ ಉಗ್ರರಿಂದ ಬಂದೂಕು, ಶಸ್ತ್ರಾಸ್ತ್ರ ಮತ್ತು ಸ್ಫೋಟಕ ಸಾಧನಗಳನ್ನು ವಶಪಡಿಸಿಕೊಳ್ಳಲಾಗಿದೆ ಎಂದು ಪೊಲೀಸರು ತಿಳಿಸಿದ್ದಾರೆ.

ನೂಪುರ್ ಶರ್ಮಾ ವಿರುದ್ಧ ಪ್ರಚೋದನಕಾರಿ ಹೇಳಿಕೆ: ಅಜ್ಮೀರ್ ದರ್ಗಾ ಮೌಲ್ವಿ ಬಂಧನ