ಭಾರತದೊಂದಿಗೆ ಸಮರಾಭ್ಯಾಸ: ಹಿಂದೂ ಮಹಾಸಾಗರದತ್ತ ಬ್ರಿಟಿಷ್‌ ಯುದ್ಧನೌಕೆಗಳು

ನವದೆಹಲಿ: ಭಾರತ ಮತ್ತು ಬ್ರಿಟನ್‌ ನೌಕಾಪಡೆಗಳು ಈ ತಿಂಗಳ ಅಂತ್ಯದಲ್ಲಿ ಜಂಟಿ ಸಮರಾಭ್ಯಾಸ ನಡೆಸಲಿದ್ದು, ಇದಕ್ಕಾಗಿ ಎಚ್‌ಎಂಎಸ್‌ ಕ್ವೀನ್ ಎಲಿಜಬೆತ್‌ ನೇತೃತ್ತದ ಯುದ್ಧ ನೌಕೆಗಳು ಹಿಂದೂ ಮಹಾಸಾಗರದತ್ತ ಪ್ರಯಾಣ ಬೆಳೆಸಿವೆ.

ಜುಲೈ 26ರ ಆಸುಪಾಸಿನಲ್ಲಿ ಈ ಸಮರಾಭ್ಯಾಸ ನಡೆಯಲಿದ್ದು, ಸಂಕೀರ್ಣ ಅಭ್ಯಾಸಗಳನ್ನು ನಡೆಸಲಾಗುವುದು ಎಂದು ಭಾರತೀಯ ರಕ್ಷಣಾ ಪಡೆಯ ಅಧಿಕಾರಿಗಳು ತಿಳಿಸಿದ್ದಾರೆ.