ಕುಡಿಯುವ ನೀರಿನ ಪೋಲು ತಡೆಯಬೇಕು: ಎನ್‌ಜಿಟಿ

ನವದೆಹಲಿ: ಕುಡಿಯುವ ನೀರು ಪೋಲಾಗುವುದನ್ನು ಹಾಗೂ ಈ ನೀರಿನ ದುರ್ಬಳಕೆಯನ್ನು ತಡೆಯಲು ಸಂಬಂಧಿಸಿದ ಅಧಿಕಾರಿಗಳು ಸೂಕ್ತ ಕ್ರಮ ಕೈಗೊಂಡು ಅದನ್ನು ನಿರಂತರವಾಗಿ ಮೇಲ್ವಿಚಾರಣೆ ನಡೆಸಬೇಕು ಎಂದು ರಾಷ್ಟ್ರೀಯ ಹಸಿರು ನ್ಯಾಯಮಂಡಳಿಯು(ಎನ್‌ಜಿಟಿ)ಸೂಚಿಸಿದೆ.

ನೀರು ಪೋಲಾಗುವುದನ್ನು ತಡೆಯಲು ನಿರ್ದೇಶಿಸಬೇಕು ಎಂದು ಕೋರಿ ಸಲ್ಲಿಕೆಯಾಗಿದ್ದ ಅರ್ಜಿಯೊಂದನ್ನು ವಿಚಾರಣೆ ನಡೆಸಿದ ಎನ್‌ಜಿಟಿ ಮುಖ್ಯಸ್ಥರಾದ ನ್ಯಾಯಮೂರ್ತಿ ಆದರ್ಶ್‌ ಕುಮಾರ್‌ ಗೋಯಲ್‌ ಅವರಿದ್ದ ಪ್ರಧಾನ ಪೀಠವು ಈ ಸೂಚನೆ ನೀಡಿದೆ. ದೆಹಲಿ ಮೂಲದ ನಿವಾಸಿ ಮಹೇಶ್‌ ಚಂದ್ರ ಸಕ್ಸೇನ ಅವರು ಎನ್‌ಜಿಟಿಗೆ ಅರ್ಜಿ ಸಲ್ಲಿಸಿದ್ದರು. ಕುಡಿಯುವ ನೀರಿನ ದುರ್ಬಳಕೆ ತಡೆಯಲು ಹಾಗೂ ಕುಡಿಯುವ ನೀರಿನ ಘಟಕಗಳಲ್ಲಿ ಸಿಸಿ ಕ್ಯಾಮೆರಾ ಅಳವಡಿಸಲು ದೆಹಲಿ ಜಲಮಂಡಳಿಗೆ ನಿರ್ದೇಶಿಸಬೇಕು ಎಂದು ಸಕ್ಸೇನಾ ಕೋರಿದ್ದರು.