ಶ್ರೀರಾಮುಲುಗೆ ಗಾಳ ಹಾಕಿದ ಎಸಿಬಿ

ಬಳ್ಳಾರಿ (ಪಿಟಿಐ): ಜಾಮೀನಿಗಾಗಿ ಲಂಚ ಪ್ರಕರಣಕ್ಕೆ ಸಂಬಂಧಿಸಿದಂತೆ ಬಿಎಸ್‌ಆರ್ ಕಾಂಗ್ರೆಸ್ ಪಕ್ಷದ ಅಧ್ಯಕ್ಷ ಶ್ರೀರಾಮುಲು ಅವರಿಗೆ ಆಂಧ್ರಪದೇಶದ ಭ್ರಷ್ಟಾಚಾರ ನಿಗ್ರಹದಳ ಗುರುವಾರ ಸಮನ್ಸ್ ಜಾರಿಮಾಡಿದೆ . 

ಶ್ರೀ ರಾಮುಲು ಅವರ ನಿವಾಸಕ್ಕೆ ಎಸಿಬಿ ಸಿಬ್ಬಂದಿ ಸಮನ್ಸ್ ಅನ್ನು ತಲುಪಿಸಿದ್ದು ಆ  ಸಮಯದಲ್ಲಿ ಅವರು ಮನೆಯಲ್ಲಿ ಇರಲ್ಲಿಲ್ಲ ಎಂದು ಪೊಲೀಸರು ತಿಳಿಸಿದ್ದಾರೆ.

ಈ ಮಧ್ಯೆ ಶ್ರೀರಾಮುಲು ಅವರು  ತಮಗೆ  ನೋಟಿಸ್ ತಲುಪಿಲ್ಲ,  ತಲುಪಿದರೆ ತಾವು ಎಸಿಬಿ ಮುಂದೆ ತನಿಖೆಗೆ  ಹಾಜರಾಗುವುದಾಗಿ ತಿಳಿಸಿದ್ದಾರೆ.

ಈ ಪ್ರಕರಣಕ್ಕೆ ಸಂಬಂಧಿಸಿದಂತೆ ಈಗಾಗಲೆ ಸೋಮಶೇಖರ ರೆಡ್ಡಿ ಮತ್ತು ಹೆಚ್.ಟಿ ಸುರೇಶ್ ಬಾಬು ಅವರನ್ನು ಎಸಿಬಿ ಬಂಧಿಸಿದೆ.