ಸರ್ಕಾರಿ ಬಸ್ಸಿನಲ್ಲೇ ಮಗುವಿಗೆ ಜನ್ಮ!

ಮೊಳಕಾಲ್ಮುರು:ತಾಲ್ಲೂಕಿನ ರಾಂಪುರಸಮೀಪದ ಕೆಳಗಿನ ಕಣಿವೆ ಬಳಿಗರ್ಭಿಣಿಯೊಬ್ಬರು ಸಾರಿಗೆ ಸಂಸ್ಥೆ ಬಸ್ಸಿನಲ್ಲೇ ಬುಧವಾರ ಗಂಡು ಮಗುವಿಗೆ ಜನ್ಮ ನೀಡಿದ್ದಾರೆ.

ಬಳ್ಳಾರಿ ಜಿಲ್ಲೆ ಸಂಡೂರು ತಾಲ್ಲೂಕಿನ ಗೊಲ್ಲ ನಿಂಗೇನಹಳ್ಳಿ ಗ್ರಾಮದ ರತ್ನಮ್ಮ ಅವರಿಗೆ ಬುಧ ವಾರ ಬೆಳಗಿನ ಜಾವ ಹೆರಿಗೆ ನೋವು ಕಾಣಿಸಿಕೊಂಡಿತ್ತು. ಮನೆಯವರು ಆಂಬುಲೆನ್ಸ್‌ಗಾಗಿ ರಾಂಪುರ ಹಾಗೂ ಚೋರನೂರು ಆಸ್ಪತ್ರೆಯ ಸಿಬ್ಬಂದಿಗೆ ಕರೆ ಮಾಡಿದ್ದರು. ಆದರೆ ಅಂಬುಲೆನ್ಸ್‌ ಬರುವುದರೊಳಗೆಸಂಡೂರು-ರಾಂಪುರ ನಡುವೆ ಸಂಚರಿಸುವ ಸಾರಿಗೆ ಬಸ್ಸಿನಲ್ಲಿ ರಾಂಪುರ ಸಮುದಾಯ ಆರೋಗ್ಯ ಕೇಂದ್ರಕ್ಕೆ ಕರೆದುಕೊಂಡು ಬರುತ್ತಿರುವಾಗಬಸ್ಸಿನಲ್ಲೇ ಹೆರಿಗೆಯಾಗಿದೆ.

ರತ್ನಮ್ಮ ಅವರಿಗೆ ಮೂರು ಹೆಣ್ಣುಮಕ್ಕಳಿವೆ. ಇದು ನಾಲ್ಕನೆಯದ್ದು. ‘ತಾಯಿ ಮತ್ತು ಮಗು ಆರೋಗ್ಯವಾಗಿದ್ದಾರೆ’ ಎಂದು ವೈದ್ಯರು ತಿಳಿಸಿದ್ದಾರೆ.