ಸಿದ್ದರಾಮಯ್ಯ ಪೋರ್ಕ್‌ ಬದಲಿಗೆ ಬೀಫ್‌ ಎಂದಿದ್ದಾರೆ: ಬ್ರಿಜೇಶ್‌ ಕಾಳಪ್ಪ ಸ್ಪಷ್ಟನೆ

ಮಡಿಕೇರಿ: ‘ಕೊಡವರು ಪೋರ್ಕ್‌ ಅನ್ನು ಹೆಚ್ಚು ಬಳಸುತ್ತಾರೆ ಎಂದು ಹೇಳಲು ಹೋಗಿ ಅದು ಬೀಫ್‌ ಆಗಿದೆ’ ಎಂದು ಎ.ಐ.ಸಿ.ಸಿ ವಕ್ತಾರ ಬ್ರಿಜೇಶ್‌ ಕಾಳಪ್ಪ ಅವರು ಇಲ್ಲಿ ಸಿದ್ದರಾಮಯ್ಯ ಹೇಳಿಕೆಗೆ ಸ್ಪಷ್ಟನೆ ನೀಡಿದರು.

‘ಬಾಯಿ ತಪ್ಪಿನಿಂದ ಆಗಿರುವ ಹೇಳಿಕೆ. ಅದಕ್ಕೆ ಸಿದ್ದರಾಮಯ್ಯ ಅವರು ಸ್ಪಷ್ಟನೆ ಕೊಟ್ಟಿದ್ದಾರೆ. ವಿಷಾದ ಸಹ ವ್ಯಕ್ತಪಡಿಸಿದ್ದಾರೆ. ಎಲ್ಲರಲ್ಲೂ ತಪ್ಪುಗಳು ಆಗುವುದು ಸಹಜ. ಆದರೂ, ಗ್ರಾಮ ಪಂಚಾಯಿತಿ ಚುನಾವಣೆಯನ್ನೇ ಗುರಿಯಾಗಿಸಿಕೊಂಡು ಕೆಲವರು ಬಹಿರಂಗ ಕ್ಷಮೆಗೆ ಆಗ್ರಹಿಸುತ್ತಿದ್ದಾರೆ’ ಎಂದು ನಗರದಲ್ಲಿ ಸೋಮವಾರ ಪ್ರತಿಕ್ರಿಯಿಸಿದರು.