ಅಜಯ್ ಮಾಕನ್‌ಗೆ ₹31 ಲಕ್ಷ ಮೌಲ್ಯದ ಕಾರು

ಬೆಂಗಳೂರು: ರಾಜ್ಯ ವಿಧಾನಸಭೆಯಿಂದ ಕಳೆದ ವರ್ಷ ಫೆಬ್ರುವರಿಯಲ್ಲಿ ರಾಜ್ಯಸಭೆಗೆ ಅವಿರೋಧವಾಗಿ ಆಯ್ಕೆಯಾಗಿರುವ ಕಾಂಗ್ರೆಸ್‌ನ ಅಜಯ್ ಮಾಕನ್‌ ಅವರಿಗಾಗಿ ₹ 31 ಲಕ್ಷ ವೆಚ್ಚದಲ್ಲಿ ಇನ್ನೊವಾ ಹೈಬ್ರಿಡ್‌– ಹೈಕ್ರಾಸ್‌ ವಾಹನ ಖರೀದಿಸಲು ರಾಜ್ಯ ಸರ್ಕಾರ ನಿರ್ಧರಿಸಿದೆ.

ಬಿಡದಿಯಲ್ಲಿರುವ ಟೊಯೊಟೊ ಕಿರ್ಲೋಸ್ಕರ್‌ ಪ್ರೈವೇಟ್‌ ಕಂಪನಿಯಿಂದ ಈ ವಾಹನ ಖರೀದಿಸಲು ಕೆಟಿಪಿಪಿ ಕಾಯ್ದೆಯಡಿ ವಿನಾಯಿತಿ ಕಲ್ಪಿಸಿ ಸಿಬ್ಬಂದಿ ಮತ್ತು ಆಡಳಿತ ಸುಧಾರಣಾ ಇಲಾಖೆ ಅಧಿಸೂಚನೆ ಹೊರಡಿಸಿದೆ.

ಅಜಯ್ ಮಾಕನ್‌ ಅವರು ಎಐಸಿಸಿ ಖಜಾಂಚಿ ಕೂಡಾ ಆಗಿದ್ದಾರೆ.