ಡಿಸಿಇಟಿ | ದಾಖಲೆ ಪರಿಶೀಲನೆ 2 ದಿನ ವಿಸ್ತರಣೆ: ಕೆಇಎ

ಬೆಂಗಳೂರು: ಡಿಸಿಇಟಿ ದಾಖಲೆಗಳ ಪರಿಶೀಲನೆಯನ್ನು ಎರಡು ದಿನ ವಿಸ್ತರಿಸಲಾಗಿದೆ.

ಜೂನ್ 14 ಮತ್ತು 16ರಂದು ನಿಗದಿತ ಕಾಲೇಜುಗಳಲ್ಲಿ ದಾಖಲೆ ಪರಿಶೀಲನೆಗೆ ಅವಕಾಶ ನೀಡಲಾಗಿದೆ ಎಂದು ಕರ್ನಾಟಕ ಪರೀಕ್ಷಾ ಪ್ರಾಧಿಕಾರದ ಕಾರ್ಯನಿರ್ವಾಹಕ ನಿರ್ದೇಶಕ ಎಚ್.ಪ್ರಸನ್ನ ಪತ್ರಿಕಾ ಹೇಳಿಕೆಯಲ್ಲಿ ತಿಳಿಸಿದ್ದಾರೆ.

ವಿದ್ಯಾರ್ಥಿಗಳ ಮನವಿ ಮೇರೆಗೆ ಶುಕ್ರವಾರ (ಜೂನ್ 13) ಕೊನೆ ಆಗಬೇಕಾಗಿದ್ದ ದಾಖಲೆ ಪರಿಶೀಲನೆಯನ್ನು ಎರಡು ದಿನ ವಿಸ್ತರಿಸಲಾಗಿದೆ. ವಿದ್ಯಾರ್ಥಿಗಳು ಇದರ ಉಪಯೋಗ ಪಡೆಯಬಹುದು. ಮೂಲ ದಾಖಲೆಗಳ ಸಮೇತ ವಿದ್ಯಾರ್ಥಿಗಳು ತೆರಳಬೇಕು ಎಂದು ಅವರು ಕೋರಿದ್ದಾರೆ.