ವಿಶಿಷ್ಟ ವಸ್ತ್ರ ವಿನ್ಯಾಸಗಳ ಪ್ರದರ್ಶನ

ಬೆಂಗಳೂರು: ನಗರದ ಹೋಟೆಲ್‌ ಲಲಿತ್‌ ಅಶೋಕದಲ್ಲಿ ವಿಶಿಷ್ಟ ವಸ್ತ್ರ ವಿನ್ಯಾಸಗಳ ಪ್ರದರ್ಶನ ಹಾಗೂ ಮಾರಾಟ ಮೇಳ ಹಮ್ಮಿಕೊಳ್ಳಲಾಗಿದೆ.

‘ಹೈ–ಲೈಫ್‌’ ವತಿಯಿಂದ ಇದೇ 10 ರಂದು ಆರಂಭವಾಗಿರುವ ಮೂರು ದಿನಗಳ ಈ ಪ್ರದರ್ಶನವು 12ಕ್ಕೆ ಮುಗಿಯಲಿದೆ. ಫ್ಯಾಷನ್‌ ಲೋಕದ ವಿಶಿಷ್ಟ ಸಂಗ್ರಹಗಳು, ವೈವಿಧ್ಯಮಯ ಆಭರಣ, ಬ್ಯಾಗ್‌ ಹಾಗೂ ಗೃಹಬಳಕೆಯ ವಸ್ತುಗಳು ಇಲ್ಲಿ ಲಭ್ಯ. ದೇಶದ ಪ್ರಸಿದ್ಧ ವಸ್ತ್ರ ವಿನ್ಯಾಸಕಾರರು ಪ್ರದರ್ಶನದಲ್ಲಿ ಪಾಲ್ಗೊಂಡಿದ್ದಾರೆ’ ಎಂದು ಪ್ರಕಟಣೆ ತಿಳಿಸಿದೆ.

‘ಮದುವೆ ಸಮಾರಂಭಕ್ಕೆ ಅಗತ್ಯವಿರುವ ವಿವಿಧ ಬಗೆಯ ಉಡುಗೆ–ತೊಡುಗೆಗಳು, ಚಿನ್ನಾಭರಣಗಳೂ ದೊರೆಯಲಿವೆ. ಮದುಮಕ್ಕಳಿಗಾಗಿಯೇ ಪ್ರತ್ಯೇಕ ಮಳಿಗೆ ತೆರೆಯಲಾಗಿದೆ. ಬೆಳಿಗ್ಗೆ 10 ರಿಂದ ರಾತ್ರಿ 8 ಗಂಟೆಯವರೆಗೆ ಮಾರಾಟ ಇರುತ್ತದೆ’ ಎಂದು ಹೇಳಿದೆ.