ಕೆಲಸಕ್ಕೆ ಹಾಜರಾಗಿ ಚಳವಳಿ ನಡೆಸಿ: ರೈತ ಸಂಘದ ಸಲಹೆ

ಮೈಸೂರು: ಕೆಲಸಕ್ಕೆ ಹಾಜರಾಗಿ ಚಳವಳಿ ನಡೆಸುವಂತೆ ಕರ್ನಾಟಕ ರಾಜ್ಯ ರೈತ ಸಂಘ ಕೆಎಸ್‌ಆರ್‌ಟಿಸಿ ನೌಕರರಿಗೆ ಸಲಹೆ ನೀಡಿದೆ.

‘ಈ ಮಾದರಿಯ ಮುಷ್ಕರಕ್ಕೆ ಸಂಘದ ಸಹಮತ ಇಲ್ಲ. ಸಾರ್ವಜನಿಕರಿಗೆ ತೊಂದರೆಯಾಗುವಂತಹ ಇಂತಹ ಮುಷ್ಕರದ ಬದಲು ಕೆಲಸಕ್ಕೆ ಹಾಜರಾಗಿ, ವಿಶಿಷ್ಟವಾಗಿ ಹಾಗೂ ನಿರಂತರವಾಗಿ ಚಳವಳಿ ನಡೆಸುವ ಮೂಲಕ ತಮ್ಮ ಬೇಡಿಕೆಗಳನ್ನು ಈಡೇರಿಸಿಕೊಳ್ಳಬೇಕು’ ಎಂದು ಸಂಘದ ರಾಜ್ಯ ಘಟಕದ ಅಧ್ಯಕ್ಷ ಬಡಗಲಪುರ ನಾಗೇಂದ್ರ, ಗೌರವಾಧ್ಯಕ್ಷ ಚಾಮರಸ ಮಾಲಿಪಾಟೀಲ ಪತ್ರಿಕಾ ಹೇಳಿಕೆಯಲ್ಲಿ ತಿಳಿಸಿದ್ದಾರೆ.

‘ಸರ್ಕಾರವೂ ಬಡ ಹಾಗೂ ಮಧ್ಯಮ ವರ್ಗದವರೇ ಹೆಚ್ಚಾಗಿರುವ ಕೆಎಸ್‌ಆರ್‌ಟಿಸಿ ನೌಕರರ ಬೇಡಿಕೆಗಳನ್ನು ಸಹಾನುಭೂತಿಯಿಂದ ಪರಿಶೀಲಿಸಬೇಕು’ ಎಂದು ಮನವಿ ಮಾಡಿದ್ದಾರೆ.