ನನಗೆ ಎಐಸಿಸಿ ಅಧ್ಯಕ್ಷ ಪಟ್ಟ ಊಹಾಪೋಹ: ಮಲ್ಲಿಕಾರ್ಜುನ ಖರ್ಗೆ

ಕಲಬುರ್ಗಿ: ‘ಅಖಿಲ ಭಾರತ ಕಾಂಗ್ರೆಸ್‌ ಸಮಿತಿಗೆ (ಎಐಸಿಸಿ) ನನ್ನನ್ನು ಅಧ್ಯಕ್ಷನನ್ನಾಗಿ ಆಯ್ಕೆ ಮಾಡುತ್ತಾರೆ ಎಂಬುದು ಊಹಾಪೋಹ. ಆ ಸ್ಥಾನದಲ್ಲೇ ಮುಂದುವರಿಯುವಂತೆ ರಾಹುಲ್‌ ಗಾಂಧಿ ಮನವೊಲಿಸುತ್ತೇವೆ’ಎಂದು ಕಾಂಗ್ರೆಸ್‌ ಹಿರಿಯ ಮುಖಂಡ ಮಲ್ಲಿಕಾರ್ಜುನ ಖರ್ಗೆ ಹೇಳಿದರು.

‘ರಾಹುಲ್‌ ಗಾಂಧಿ ಅವರುಅಧ್ಯಕ್ಷ ಸ್ಥಾನ ತ್ಯಜಿಸುವ ಇಂಗಿತ ವ್ಯಕ್ತಪಡಿಸಿದಾಗ ಕೋರ್‌ ಕಮಿಟಿಯಲ್ಲಿ ಚರ್ಚೆ ನಡೆದು, ಹುದ್ದೆಯಲ್ಲಿ ಮುಂದುವರಿಯುವಂತೆ ಅವರನ್ನು ಕೋರಲಾಗಿದೆ.ದೇಶದಲ್ಲಿ ಕಾಂಗ್ರೆಸ್‌ ಬೆಳೆಸಿದ್ದು ಮತ್ತು ತತ್ವ– ಸಿದ್ಧಾಂತಗಳನ್ನು ಪಾಲಿಸಿಕೊಂಡು ಬಂದಿದ್ದು ಗಾಂಧಿ ಕುಟುಂಬ. ಹಾಗಾಗಿ, ಅದೇ ಕುಟುಂಬದವರು ಅಧ್ಯಕ್ಷರಾಗಿರಬೇಕು ಎಂಬುದು ನನ್ನನ್ನೂ ಸೇರಿಸಿ ಬಹುಪಾಲು ನಾಯಕರ ಆಶಯ’ ಎಂದು ಮಾಧ್ಯಮಗಳಿಗೆ ಪ್ರತಿಕ್ರಿಯಿಸಿದರು.