2023ಕ್ಕೆ ಅಯೋಧ್ಯೆಯಲ್ಲಿ ಪೂಜೆ: ರಾಮಮಂದಿರ ನಿರ್ಮಾಣ ಉಸ್ತುವಾರಿ ಗೋಪಾಲ ಜಿ

ಶಿರಸಿ: '2023ರ ವರ್ಷಾಂತ್ಯಕ್ಕೆ ಅಯೋಧ್ಯೆಯ ರಾಮಮಂದಿರದಲ್ಲಿ ರಾಮನ ಮೂರ್ತಿ ಪ್ರತಿಷ್ಠಾಪಿಸಿ ಪೂಜೆ ಆರಂಭಿಸಲಾಗುವುದು' ಎಂದು ಅಯೋಧ್ಯಾ ರಾಮಮಂದಿರ ನಿರ್ಮಾಣ ಉಸ್ತುವಾರಿ ಗೋಪಾಲ ಜಿ. ಹೇಳಿದರು.

ನಗರದಲ್ಲಿ ಭಾನುವಾರ ಮಾಧ್ಯಮವರ ಜತೆ ಮಾತನಾಡಿದ ಅವರು, ‘2023ಕ್ಕೆ ಮಂದಿರ ನಿರ್ಮಾಣ ಪೂರ್ಣಗೊಳ್ಳದು. ಆದರೆ, ಗರ್ಭಗುಡಿ ಹಾಗೂ ಒಳ ಆವರಣದ ಕಾಮಗಾರಿಗಳನ್ನು ಪೂರ್ಣಗೊಳಿಸಲಾಗುತ್ತದೆ’ ಎಂದರು.

‘ತಜ್ಞರ ಸಲಹೆ ಮೇರೆಗೆ, ಮಂದಿರ ನಿರ್ಮಾಣಕ್ಕೆ ಈಗಾಗಲೆ 40 ಅಡಿಯಷ್ಟು ಆಳ ಮತ್ತು 400 ಅಡಿ ಉದ್ದದ ತಳಪಾಯ ನಿರ್ಮಿಸಲಾಗಿದೆ. ಮುಂದಿನ ವರ್ಷ ದೇವಾಲಯಗಳ ನಿರ್ಮಾಣಕ್ಕೆಂದೇ ಬಳಸುವ ಬನ್ಸಿ ಪಹಾಡಪುರ ಕಲ್ಲುಗಳನ್ನು ಬಳಸಿ ಕಟ್ಟಡ ನಿರ್ಮಾಣ ಮಾಡಲಾಗುತ್ತದೆ’ ಎಂದು ತಿಳಿಸಿದರು.