ಹಿರಿಯ ರಂಗಕರ್ಮಿ ಸಂಜೀವ ಕುಲಕರ್ಣಿ ನಿಧನ

ಬೆಂಗಳೂರು: ತೀವ್ರತರ ಹೃದಯ ಸಮಸ್ಯೆಯಿಂದ ಬಳಲುತ್ತಿದ್ದ ಹಿರಿಯ ರಂಗ ಕಲಾವಿದ, ನಿರೂಪಕ ಸಂಜೀವ ಕುಲಕರ್ಣಿ (49) ಶನಿವಾರ ನಿಧನರಾದರು.

ಸಂಜೀವ ಅವರು ಹಲವು ಧಾರಾವಾಹಿಗಳಲ್ಲಿ ಅಭಿನಯಿಸಿದ್ದರು.

ನಗರದ ನಾರಾಯಣ ಹೃದಯ ವಿಜ್ಞಾನ ಸಂಸ್ಥೆಯ ತೀವ್ರ ನಿಗಾ ಘಟಕದಲ್ಲಿ ಅವರು ದಾಖಲಾಗಿದ್ದರು.

ಸಂಜೀವ ಅವರಿಗೆ ಪತ್ನಿ ಮತ್ತು ಕಿರುತೆರೆ ನಟ ಪುತ್ರ ಸೌರಭ್ ಕುಲಕರ್ಣಿ ಇದ್ದಾರೆ.

ಚಾಮರಾಜಪೇಟೆಯ ಟಿ.ಆರ್. ಮಿಲ್‌ ಬಳಿಯ ಸ್ಮಶಾನದಲ್ಲಿ ಭಾನುವಾರ ಬೆಳಿಗ್ಗೆ 9ಕ್ಕೆ ಅಂತ್ಯಕ್ರಿಯೆ ನಡೆಯಲಿದೆ ಎಂದು ಸೌರಭ್ ತಿಳಿಸಿದ್ದಾರೆ.