ಶಿವಮೊಗ್ಗ ಪಾಲಿಕೆ: ಮತ್ತೆ ಬಿಜೆಪಿಗೇ ಗದ್ದುಗೆ

ಶಿವಮೊಗ್ಗ: ನಿರೀಕ್ಷೆಯಂತೆ ಮಹಾನಗರ ಪಾಲಿಕೆ ಮೇಯರ್, ಉಪ ಮೇಯರ್ ಸ್ಥಾನ ಮೂರನೇ ಅವಧಿಗೂ ಬಿಜೆಪಿ ವಶವಾಯಿತು.

ಸುನೀತಾ ಕೆ.ವಿ. ಅಣ್ಣಪ್ಪ ಮೇಯರ್ ಹಾಗೂ ಕೆ.ಶಂಕರ್ ಗನ್ನಿ ಉಪ ಮೇಯರ್‌ ಸ್ಥಾನಕ್ಕೆ ಬುಧವಾರ ಆಯ್ಕೆಯಾದರು.

ಮೇಯರ್‌ ಸ್ಥಾನ ಬಿಸಿಎಂ ‘ಎ’ ಮಹಿಳೆಗೆ ಹಾಗೂ ಉಪ ಮೇಯರ್ ಸ್ಥಾನ ಸಾಮಾನ್ಯ ವರ್ಗಕ್ಕೆ ಮೀಸಲಾಗಿತ್ತು. 35 ಸದಸ್ಯ ಬಲದ ಪಾಲಿಕೆಯಲ್ಲಿ ಬಿಜೆಪಿ 23 ಸದಸ್ಯರನ್ನು ಹೊಂದಿದೆ. ಇಬ್ಬರೂ ತಲಾ 25 ಮತಗಳನ್ನು ಪಡೆದು ಕಾಂಗ್ರೆಸ್ ಅಭ್ಯರ್ಥಿಗಳನ್ನು 14 ಮತಗಳ ಅಂತರದಲ್ಲಿ ಸೋಲಿಸಿದರು. ಈ ಬಾರಿಯೂ ಜಿಲ್ಲಾ ಉಸ್ತುವಾರಿ ಸಚಿವ ಕೆ.ಎಸ್. ಈಶ್ವರಪ್ಪ‍ ಅವರ ಬಣದ ಸದಸ್ಯರೇ ಮೇಲುಗೈ ಸಾಧಿಸಿದರು.