ದಸರಾ: ಯಶವಂತಪುರ– ಬೆಳಗಾವಿ ವಿಶೇಷ ರೈಲು

ಹುಬ್ಬಳ್ಳಿ: ನೈರುತ್ಯ ರೈಲ್ವೆಯು ದಸರಾ ಹಬ್ಬಕ್ಕೆ ಬರುವ ಪ್ರಯಾಣಿಕರ ಅನುಕೂಲಕ್ಕಾಗಿ ಬೆಂಗಳೂರು– ಬೆಳಗಾವಿ ನಡುವೆ ಸುವಿಧಾ ವಿಶೇಷ ರೈಲು ಓಡಿಸುತ್ತಿದೆ.

ಯಶವಂತಪುರ– ಬೆಳಗಾವಿ ರೈಲು (82657) ಅ.4ರಂದು ರಾತ್ರಿ 11ಕ್ಕೆ ಯಶವಂತಪುರದಿಂದ ಹೊರಡಲಿದ್ದು, ಮರು ದಿನ ಬೆಳಿಗ್ಗೆ 11.15ಕ್ಕೆ ಬೆಳಗಾವಿ ತಲುಪಲಿದೆ.

ಬೆಳಗಾವಿ– ಯಶವಂತಪುರ ರೈಲು (82658) ಅ.8ರಂದು ಸಂಜೆ 7ಕ್ಕೆ ಬೆಳಗಾವಿಯಿಂದ ಹೊರಡಲಿದ್ದು, ಮರುದಿನ ಬೆಳಿಗ್ಗೆ 6.20ಕ್ಕೆ ಯಶವಂತಪುರ ತಲುಪಲಿದೆ.