ಭಾರತದ ಅವಳಿಗಳಿಗೆ ಸೆರೆವಾಸ

ಸಿಂಗಪುರ (ಪಿಟಿಐ): ವೇಶ್ಯಾಗೃಹವನ್ನು ನಿರ್ವಹಿಸುತ್ತಿದ್ದ ಹಾಗೂ ಆರು ವೇಶ್ಯೆಯರ ಸಂಪಾದನೆಯಿಂದ ಜೀವನ ಸಾಗಿಸಲು ತಮ್ಮ  ಸಹಾಯಕರಿಗೆ ನೆರವು ನೀಡಿದ ಭಾರತದ ಅವಳಿ ಸಹೋದರರಿಗೆ  ಸಿಂಗಪುರ ನ್ಯಾಯಾಲಯವು ಮೂರೂವರೆ ತಿಂಗಳ ಸೆರೆವಾಸ ವಿಧಿಸಿದೆ.

ರಮಣ್ ಹಾಗೂ ಲಕ್ಷ್ಮಣನ್ ಸೆಲ್ವರಾಜ್(26) ಅವರು ಜೂನ್ 3ರಂದು ತಮ್ಮ ತಪ್ಪು ಒಪ್ಪಿಕೊಂಡಿದ್ದು, ನ್ಯಾಯಾಲಯ ದಂಡ ವಿಧಿಸಬಹುದೆಂದು ನಿರೀಕ್ಷಿಸಿದ್ದರು. ಆದರೆ ನ್ಯಾಯಾಲಯ ಸೆರೆವಾಸ ವಿಧಿಸಿರುವುದು ಅವರಿಗೆ ಆಘಾತ ನೀಡಿದೆ ಎಂದು ದಿ ಸ್ಟ್ರೇಟ್ಸ್ ಪತ್ರಿಕೆ ವರದಿ ಮಾಡಿದೆ.