ಭಾರತೀಯ ಮೂಲದ ನಾಯಕ ನಿಧನ

ಕ್ವಾಲಾಲಂಪುರ (ಪಿಟಿಐ): ಭಾರತೀಯ ಮೂಲದ ಬುಡಕಟ್ಟು ಜನಾಂಗದ ಹಿರಿಯ ನಾಯಕ ಮತ್ತು ಪೆನಿಂಗ್ ರಾಜ್ಯದ ಮಲೇಷ್ಯಾ ಭಾರತೀಯ ಕಾಂಗ್ರೆಸ್ (ಎಂಐಸಿ) ಮುಖ್ಯಸ್ಥ ಪಿ.ಕೆ. ಸುಬ್ಬಯ್ಯ (63) ಬುಧವಾರ ನಿಧನರಾದರು.

ಮಲಗಿದ್ದಾಗಲೇ ಹೃದಯಾಘಾತಕ್ಕೀಡಾಗಿ ಅಸು ನೀಗಿದ್ದು, ಮೃತರಿಗೆ ಪತ್ನಿ, ಪುತ್ರ ಮತ್ತು ಪುತ್ರಿ ಇದ್ದಾರೆ.
ಸುಬ್ಬಯ್ಯ ಎರಡು ಬಾರಿ ರಾಜ್ಯ ಕಾರ್ಯಕಾರಿ ಪರಿಷತ್ ಸದಸ್ಯರಾಗಿ ಮತ್ತು 2009ರಿಂದ ಎಂಐಸಿಯ ಪೆನಿಂಗ್ ಘಟಕದ ಅಧ್ಯಕ್ಷರಾಗಿದ್ದರು. ಕಳೆದ ವರ್ಷದ ಏಪ್ರಿಲ್‌ನಲ್ಲಿ ಸೆನೆಟ್ ಸದಸ್ಯರಾಗಿದ್ದರು.