ಚೀನಾದಿಂದ ನೂತನ ಉಪಗ್ರಹ ಉಡಾವಣೆ

ಬೀಜಿಂಗ್‌: ಭೂಮಿಯ ಮೇಲ್ಮೈಯ ಚಿತ್ರಗಳನ್ನು ಹೆಚ್ಚು ನಿಖರವಾಗಿ ಸೆರೆ ಹಿಡಿಯುವ ಸಾಮರ್ಥ್ಯ ಹೊಂದಿರುವ ಹೊಸ ಉಪಗ್ರಹವನ್ನು ಚೀನಾ ಭಾನುವಾರ ಯಶಸ್ವಿಯಾಗಿ ಉಡಾವಣೆ ಮಾಡಿತು.

ನೈರುತ್ಯ ಚೀನಾದ ಸಿಚುವಾನ್‌ ಪ್ರಾಂತ್ಯದಲ್ಲಿರುವ ಷಿಚಾಂಗ್‌ ಉಪಗ್ರಹ ಉಡ್ಡಯನ ಕೇಂದ್ರದಿಂದ ಈ ಉಪಗ್ರಹವನ್ನು ಭೂ ಸ್ಥಿರ ಕಕ್ಷೆಗೆ ಉಡಾವಣೆ ಮಾಡಲಾಯಿತು ಎಂದು ಷಿನ್‌ಹುವಾ ಸುದ್ದಿ ಸಂಸ್ಥೆ ವರದಿ ಮಾಡಿದೆ.

‘ಜಿಯೊಫೆನ್‌–14’ ಹೆಸರಿನ ಉಪಗ್ರಹವನ್ನು ಲಾಂಗ್‌ ಮಾರ್ಚ್‌– 3ಬಿ ರಾಕೆಟ್‌ ಬಳಸಿ ಉಡಾವಣೆ ಮಾಡಲಾಯಿತು.