ಮನಿಲಾ: 6 ಸೈನಿಕರ ಹತ್ಯೆ

ಮನಿಲಾ: ಕಮ್ಯುನಿಸ್ಟ್‌ ಬಂಡಾಯಗಾರರು ಆರು ಫಿಲಿಪ್ಪೀನ್ಸ್‌ ಸೈನಿಕರನ್ನು ಹತ್ಯೆ ಮಾಡಿದ್ದಾರೆ. ಘಟನೆಯಲ್ಲಿ 20 ಸೈನಿಕರಿಗೆ ಗಾಯಗಳಾಗಿವೆ ಎಂದು ಮಂಗಳವಾರ ಸೇನೆ ತಿಳಿಸಿದೆ.

ದೇಶದಲ್ಲಿನ 50 ವರ್ಷ ಇತಿಹಾಸದ ಮಾವೋ ದಂಗೆಯಲ್ಲಿ ಈ ಘಟನೆ ಮಾರಕವಾದ ದಾಳಿಗಳಲ್ಲಿ ಒಂದಾಗಿದೆ.

‘ಸೋಮವಾರ, ಸಮಾರ್‌ನ ಪೂರ್ವ ದ್ವೀಪದಲ್ಲಿ ಗಸ್ತು ತಿರುಗುತ್ತಿದ್ದ ವೇಳೆ ಬಾಂಬ್‌ ಸಿಡಿಸಿದ್ದು, ಸುಮಾರು 30 ನಿಮಿಷ ಸೈನಿಕರು ಹಾಗೂ ಬಂಡಾಯಗಾರರ ನಡುವೆ ಗುಂಡಿನ ಚಕಮಕಿ ನಡೆದಿದೆ’ ಎಂದು ಮಾಹಿತಿ ನೀಡಿದರು.