Covid-19 World Update | ಅಮೆರಿಕದಲ್ಲಿ 63 ಲಕ್ಷಕ್ಕೂ ಅಧಿಕ ಪ್ರಕರಣ

ವಾಷಿಂಗ್ಟನ್: ಜಗತ್ತಿನಾದ್ಯಂತ 2.62 ಕೋಟಿಗೂ ಅಧಿಕ ಜನರು ಕೋವಿಡ್-19 ಸೋಂಕಿಗೆ ಒಳಗಾಗಿದ್ದರೆ, 8.69 ಲಕ್ಷ ಜನರು ಸಾವಿಗೀಡಾಗಿದ್ದಾರೆ ಎಂದು ಕೊರೊನಾ ವೈರಸ್‌ ವರ್ಡೊ ಮೀಟರ್‌ ತಿಳಿಸಿದೆ.

ಈವರೆಗೆ ಜಗತ್ತಿನಾದ್ಯಂತ ಸೋಂಕಿತರ ಸಂಖ್ಯೆ 2,62,89,920ಕ್ಕೆ ಮುಟ್ಟಿದ್ದು, 8,69,254 ಮಂದಿ ಮೃತಪಟ್ಟಿದ್ದಾರೆ. 1,85,32,630 ಸೋಂಕಿತರು ಸೋಂಕಿನಿಂದ ಗುಣಮುಖರಾಗಿದ್ದಾರೆ. ಒಟ್ಟು 68,88,036 ಕೊರೊನಾ ಪ್ರಕರಣಗಳು ಸಕ್ರಿಯವಾಗಿವೆ.

ಸೋಂಕು ಪ್ರಕರಣಗಳ ಪಟ್ಟಿಯಲ್ಲಿ ಅಗ್ರ ಸ್ಥಾನದಲ್ಲಿರುವ ಅಮೆರಿಕದಲ್ಲಿ 63,02,203 ಜನರಿಗೆ ಕೋವಿಡ್-19 ದೃಢಪಟ್ಟಿದೆ. ಸದ್ಯ 1,90,300 ಮಂದಿ ಪ್ರಾಣ ಕಳೆದುಕೊಂಡಿದ್ದಾರೆ. 35,48,122 ಜನರು ಈವರೆಗೆ ಗುಣಮುಖರಾಗಿದ್ದಾರೆ.

ಬ್ರೆಜಿಲ್‌ನಲ್ಲಿ 40,01,422, ಭಾರತದಲ್ಲಿ 39,04,508, ರಷ್ಯಾದಲ್ಲಿ 10,09,995, ದಕ್ಷಿಣ ಆಫ್ರಿಕಾದಲ್ಲಿ 6,30,595, ಪೆರುವಿನಲ್ಲಿ 6,63,437, ಕೊಲಂಬಿಯಾದಲ್ಲಿ 6,33,339, ಚಿಲಿಯಲ್ಲಿ 4,16,501, ಇರಾನ್‌ನಲ್ಲಿ 3,80,746, ಇಂಗ್ಲೆಂಡ್‌ನಲ್ಲಿ 3,40,411 ಮತ್ತು ಸ್ಪೇನ್‌ನಲ್ಲಿ 4,79,554 ಕೊರೊನಾ ಸೋಂಕು ಪ್ರಕರಣಗಳು ದಾಖಲಾಗಿವೆ.