Gaza Peace Summit: ಗಾಜಾ ಒಪ್ಪಂದದ ಘೋಷಣೆಗೆ ಸಹಿ

ಶರ್ಮ್‌ಅಲ್‌ ಶೇಖ್‌: ಎರಡು ವರ್ಷಗಳ ಯುದ್ಧವನ್ನು ಕೊನೆಗೊಳಿಸುವ ಗುರಿ ಹೊಂದಿರುವ ಗಾಜಾ ಒಪ್ಪಂದದ ಘೋಷಣೆಗೆ ಖಾತರಿದಾರರಾಗಿ ಅಮೆರಿಕ, ಈಜಿಪ್ಟ್‌, ಕತಾರ್‌ ಹಾಗೂ ಟರ್ಕಿ ದೇಶಗಳು ಸೋಮವಾರ ಸಹಿ ಹಾಕಿದವು.

ಪಶ್ಚಿಮ ಏಷ್ಯಾದಲ್ಲಿ ಶಾಂತಿ ಸುಧಾರಿಸುವ ಭಾಗವಾಗಿ ಗಾಜಾ ಭವಿಷ್ಯ ಕುರಿತು ನಡೆಯುತ್ತಿರುವ ಜಾಗತಿಕ ಶೃಂಗದಲ್ಲಿ ಈ ರಾಷ್ಟ್ರಗಳು ಸಹಿ ಹಾಕಿದವು.

‘ಈ ಘೋಷಣಾ ಪತ್ರವು ನಿಯಮ, ನಿಬಂಧನೆಗಳು ಹಾಗೂ ಇತರ ಹಲವು ವಿಷಯಗಳನ್ನು ವಿವರಿಸುತ್ತದೆ’ ಎಂದು ಅಮೆರಿಕ ಅಧ್ಯಕ್ಷ ಟ್ರಂಪ್‌ ಅವರು ಸಹಿ ಹಾಕುವ ಮುನ್ನ ಹೇಳಿದರು. 

ಭಾರತ ಶ್ರೇಷ್ಠ ರಾಷ್ಟ್ರ: ‘ಭಾರತವು ಶ್ರೇಷ್ಠ ದೇಶವಾಗಿದ್ದು, ನನ್ನ ಉತ್ತಮ ಸ್ನೇಹಿತ ಅಗ್ರಸ್ಥಾನದಲ್ಲಿದ್ದಾರೆ’ ಎಂದು ಡೊನಾಲ್ಡ್‌ ಟ್ರಂಪ್‌ ಅವರು ಭಾರತದ ಪ್ರಧಾನಿ ನರೇಂದ್ರ ಮೋದಿ ಅವರ ಹೆಸರು ಉಲ್ಲೇಖಿಸದೆಯೇ ಶ್ಲಾಘಿಸಿದರು.

‘ಭಾರತ ಹಾಗೂ ಪಾಕಿಸ್ತಾನವು ಒಟ್ಟಿಗೆ ಸಾಗುತ್ತವೆ ಎಂದು ಭಾವಿಸುವೆ’ ಎಂದು ಹೇಳಿದರು.