ಭಾರತ: ಐದು ದಶಕದಲ್ಲಿ 4.58 ಕೋಟಿ ಮಹಿಳೆಯರು ನಾಪತ್ತೆ
ವಿಶ್ವಸಂಸ್ಥೆಯಿಂದ ವರದಿ ಬಿಡುಗಡೆ
Published 30 ಜೂನ್ 2020, 19:30 IST
ಹೆಣ್ಣು ಭ್ರೂಣ ಹತ್ಯೆ ತಡೆ ಸಂದೇಶ ಸಾರುವ ರಂಗೋಲಿ ಚಿತ್ರ.
ವಿಶ್ವಸಂಸ್ಥೆ: ಕಳೆದ ಐವತ್ತು ವರ್ಷಗಳ ಅವಧಿಯಲ್ಲಿ ಭಾರತದಲ್ಲಿ 4.58 ಕೋಟಿ ಮಹಿಳೆಯರು ನಾಪತ್ತೆಯಾಗಿದ್ದಾರೆ ಎಂದು ವಿಶ್ವಸಂಸ್ಥೆಯ ಜನಸಂಖ್ಯಾ ನಿಧಿ (ಯುಎನ್‌ಎಫ್‌ಪಿಎ) ಮಂಗಳವಾರ ಬಿಡುಗಡೆ ಮಾಡಿರುವ ವರದಿಯಲ್ಲಿ ಹೇಳಲಾಗಿದೆ.
ಈ ಅವಧಿಯಲ್ಲಿ ಜಗತ್ತಿನಲ್ಲಿ ಒಟ್ಟು 14.26 ಕೋಟಿ ಮಹಿಳೆಯರು ನಾಪತ್ತೆಯಾಗಿದ್ದಾರೆ. ಚೀನಾದಲ್ಲಿ ಗರಿಷ್ಠ ಸಂಖ್ಯೆಯ 7.23 ಕೋಟಿ ಮಹಿಳೆಯರು ನಾಪತ್ತೆಯಾಗಿದ್ದಾರೆ ಎಂದೂ ವರದಿಯಲ್ಲಿ ವಿವರಿಸಲಾಗಿದೆ.
ಜನನಪೂರ್ವ ಮಗುವಿನ ಲಿಂಗ ಪತ್ತೆ ಮಾಡಿ, ಹೆಣ್ಣು ಭ್ರೂಣವಾಗಿದ್ದರೆ ಹತ್ಯೆ ಮಾಡುವುದು. ಇಲ್ಲವೇ ಜನಿಸಿದ ನಂತರ ಹೆಣ್ಣು ಮಗುವಿನ ಹತ್ಯೆಯಾದರೆ ಅದನ್ನು ‘ಕಾಣೆಯಾದ ಮಹಿಳೆ’ ಎಂದು ಪರಿಗಣಿಸಲಾಗುತ್ತದೆ ಎಂದುಯುಎನ್‌ಎಫ್‌ಪಿಎ ವರದಿ ತಿಳಿಸಿದೆ.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.