ಭಾರತ ನೆರವಿನ ಯೋಜನೆಗಳು ಬಾಂಗ್ಲಾದಲ್ಲಿ ಮುಂದುವರಿಕೆ

ಢಾಕಾ: ‘ಭಾರತ ನೆರವಿನ ಯೋಜನೆಗಳು ಅತ್ಯಂತ ಮಹತ್ವದ್ದಾಗಿವೆ. ಹೊಸ ಆಡಳಿತದಲ್ಲಿಯೂ ಈ ಯೋಜನೆಗಳು ಬಾಗ್ಲಾದೇಶದಲ್ಲಿ ಮುಂದುವರಿಯಲಿವೆ’ ಎಂದು ಇಲ್ಲಿನ ಮಧ್ಯಂತರ ಸರ್ಕಾರದ ಉನ್ನತ ಸಲಹೆಗಾರರು ತಿಳಿಸಿದ್ದಾರೆ.

‘ಭಾರತದೊಡನೆ ಸಹಕಾರವರ್ಧನೆಗೆ ಢಾಕಾ ಎದುರುನೋಡುತ್ತಿರುವುದಾಗಿ ಭಾರತದ ಹೈಕಮಿಷನರ್‌ ಪ್ರಣಯ್‌ ವರ್ಮಾ ಜತೆಗೆ ನಡೆದ ಸಭೆಯಲ್ಲಿ ಬಾಂಗ್ಲಾದೇಶದ ಹಣಕಾಸು ಸಲಹೆಗಾರ ಸಲೇಹುದ್ದೀನ್‌ ಅಹಮ್ಮದ್‌ ತಿಳಿಸಿದ್ದಾರೆ’ ಎಂದು ಸರ್ಕಾರಿ ಸ್ವಾಮ್ಯದ ಬಿಎಸ್‌ಎಸ್‌ ಸುದ್ದಿಸಂಸ್ಥೆ ವರದಿ ಮಾಡಿದೆ.