ಭಾರತೀಯ ಅಮೆರಿಕನ್ ಪಿಯಾ ದಾಂಡಿಯಾ ಶ್ವೇತಭವನದ ಫೆಲೊ

ವಾಷಿಂಗ್ಟನ್‌: ಭಾರತೀಯ ಅಮೆರಿಕನ್‌ ಪಿಯಾ ದಾಂಡಿಯಾ ಅವರನ್ನು 2020–21ನೇ ಸಾಲಿನ ‘ಶ್ವೇತಭವನದ ಫೆಲೊ‘ ಆಗಿ ನೇಮಕ ಮಾಡಲಾಗಿದೆ.

2020–21 ಸಾಲಿನಲ್ಲಿ ಶ್ವೇತಭವನಕ್ಕೆ ನೇಮಕವಾಗಿರುವ 14 ಫೆಲೊಗಳ ಪೈಕಿ ಭಾರತೀಯ – ಅಮೆರಿಕನ್‌ ದಾಂಡಿಯಾ ಕೂಡ ಒಬ್ಬರು. ಇವರು ನ್ಯೂಯಾರ್ಕ್‌ನ ಹಾರ್ಲೆಮ್‌ನಲ್ಲಿರುವ ಡೆಮಾಕ್ರಸಿ ಪ್ರೆಪ್ ಎಂಡ್ಯೂರೆನ್ಸ್ ಪ್ರೌಢ ಶಾಲೆಯ ಸ್ಥಾಪಕ ಪ್ರಾಚಾರ್ಯರು.

ಇದನ್ನೂ ಓದಿ:ಅಮೆರಿಕ ಚುನಾವಣೆ ಫಲಿತಾಂಶ: ನಮ್ಮ ಗೆಲುವಿನ ದಾರಿ ಸ್ಪಷ್ಟವಾಗಿದೆ ಎಂದ ಜೊ ಬೈಡನ್

ಅಮೆರಿಕ ಅಧ್ಯಕ್ಷರಾಗಿದ್ದ ಲಿಂಡನ್ ಬಿ ಜಾನ್ಸನ್ ಅವರು 1964ರಲ್ಲಿ ‘ಶ್ವೇತಭವನದ ಫೆಲೊ‘ ಕಾರ್ಯಕ್ರಮವನ್ನು ಆರಂಭಿಸಿದರು. ‘ಫೆಲೊಗಳಿಗೆ ಫೆಡರಲ್ ಸರ್ಕಾರದ ಜತೆ ಕಾರ್ಯನಿರ್ವಹಿಸಲು ಉನ್ನತ ಮಟ್ಟದ ಅನುಭವ ನೀಡುವುದು ಹಾಗೂ ರಾಷ್ಟ್ರೀಯ ವ್ಯವಹಾರಗಳಲ್ಲಿ ಪಾಲ್ಗೊಳ್ಳುವುದನ್ನು ಉತ್ತೇಜಿಸುವ‘ ರೀತಿಯಲ್ಲಿ ಕಾರ್ಯಕ್ರಮವನ್ನು ವಿನ್ಯಾಸಗೊಳಿಸಲಾಗಿದೆ ಎಂದು ಮಾಧ್ಯಗಳಿಗೆ ಬಿಡುಗಡೆ ಮಾಡಿದ ಪ್ರಕಟಣೆಯಲ್ಲಿ ತಿಳಿಸಲಾಗಿದೆ. ದಾಂಡಿಯಾ ಪ್ರಸ್ತುತ ಅಮೆರಿಕದ ಶಿಕ್ಷಣ ಇಲಾಖೆಯಲ್ಲಿ ಕೆಲಸ ಮಾಡುತ್ತಿದ್ದಾರೆ.