ಮಲೇಷ್ಯಾ: ಮೆಟ್ರೊ ರೈಲು ಡಿಕ್ಕಿಯಾಗಿ 200ಕ್ಕೂ ಹೆಚ್ಚು ಜನರಿಗೆ ಗಾಯ

ಕ್ವಾಲಾಲಂಪುರ: ಇಲ್ಲಿನ ಮೆಟ್ರೊ ರೈಲು ಸುರಂಗವೊಂದರಲ್ಲಿ ಸೋಮವಾರ ಎರಡು ಲಘು ರೈಲುಗಳು (ಎಲ್‌ಆರ್‌ಟಿ) ಡಿಕ್ಕಿ ಹೊಡೆದದ್ದರಿಂದ 200ಕ್ಕೂ ಹೆಚ್ಚಿನ ಜನರು ಗಾಯಗೊಂಡಿದ್ದಾರೆ.

ಮಲೇಷ್ಯಾದ 23 ವರ್ಷಗಳ ಮೆಟ್ರೊ ರೈಲು ವ್ಯವಸ್ಥೆಯಲ್ಲಿ ಇದೇ ಮೊದಲ ಬಾರಿಗೆ ಇಂಥದ್ದೊಂದು ದೊಡ್ಡ ಅಪಘಾತ ಸಂಭವಿಸಿದೆ.

‘ವಿಶ್ವದ ಅತಿ ಎತ್ತರದ ಅವಳಿ ಗೋಪುರಗಳಾದ ಪೆಟ್ರೋನಾರ್ಸ್ ಟವರ್ಸ್ ಬಳಿಯ ಸುರಂಗದಲ್ಲಿ ಸೋಮವಾರ 213 ಪ್ರಯಾಣಿಕರನ್ನೊಳಗೊಂಡ ಮೆಟ್ರೊ ರೈಲು ಹಾಗೂ ಪರೀಕ್ಷಾರ್ಥ ಪ್ರಯಾಣದಲ್ಲಿದ್ದ ಖಾಲಿ ರೈಲು ಪರಸ್ಪರ ಡಿಕ್ಕಿಯಾಗಿವೆ. ಅಪಘಾತದ ಸಮಯದಲ್ಲಿ ಪರೀಕ್ಷಾರ್ಥ ರೈಲು ಗಂಟೆಗೆ 20 ಕಿ.ಮೀ. ಹಾಗೂ ಪ್ರಯಾಣಿಕರಿದ್ದ ರೈಲು ಗಂಟೆಗೆ 40 ಕಿ.ಮೀ. ವೇಗದಲ್ಲಿ ಚಲಿಸುತ್ತಿದ್ದವು’ ಎಂದು ಸಾರಿಗೆ ಸಚಿವ ವೀ ಕಾ ಸಿಯಾಂಗ್ ತಿಳಿಸಿದ್ದಾರೆ.

ಇದನ್ನೂ ಓದಿ... ಪಾಕಿಸ್ತಾನಕ್ಕೆ ನೆರವು ಸ್ಥಗಿತ: ಅಮೆರಿಕ ನಿಲುವಿನಲ್ಲಿ ಬದಲಾವಣೆ ಇಲ್ಲ -ಜೋ ಬೈಡನ್