ಉಗ್ರರ ದಾಳಿ: 6 ಯೋಧರ ಹತ್ಯೆ

ಕರಾಚಿ: ಪಾಕಿಸ್ತಾನದ ಬಲೂಚಿಸ್ತಾನ ಪ್ರಾಂತ್ಯದಲ್ಲಿರುವ ಇರಾನ್ ಗಡಿ ಭಾಗದಲ್ಲಿ ಸೋಮವಾರ ನಡೆದ ಎರಡು ಪ್ರತ್ಯೇಕ ದಾಳಿಯಲ್ಲಿ ಆರು ಯೋಧರನ್ನು ಉಗ್ರರು ಹತ್ಯೆ ಮಾಡಿದ್ದಾರೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.

ಪಂಜೂರು ಜಿಲ್ಲೆಯಲ್ಲಿ ಭಾನುವಾರ ನಡೆದ ಮೊದಲ ದಾಳಿಯಲ್ಲಿ ಗಡಿ ಭದ್ರತಾಪಡೆಯ ನಾಲ್ವರು ಯೋಧರು ಹತ್ಯೆಯಾಗಿದ್ದಾರೆ. ಈ ದಾಳಿ ನಡೆದ ಒಂದು ಗಂಟೆ ನಂತರ, ಲಾರೊರೈ ಪ್ರದೇಶದಲ್ಲಿ ಇಬ್ಬರು ಯೋಧರನ್ನು ಹತ್ಯೆ ಮಾಡಲಾಗಿದೆ.