ಶೈಕ್ಷಣಿಕ ದಾಖಲೆ ತಿರುಚಿದ ನೇಪಾಳಿ ಸಂಸದನ ಬಂಧನ 

ಕಠ್ಮಂಡು: ಶೈಕ್ಷಣಿಕ ದಾಖಲೆ ತಿರುಚಿದ ಆರೋಪದ ಮೇಲೆ ನೇಪಾಳದ ಆಡಳಿತಾರೂಢ ‘ನೇಪಾಳಿ ಕಾಂಗ್ರೆಸ್‌ ಪಕ್ಷ’ದ ಸಂಸದ ಸುನಿಲ್‌ ಶರ್ಮ ಅವರನ್ನು ಕೇಂದ್ರ ತನಿಖಾ ದಳ (ಸಿಐಬಿ)ದ ಪೊಲೀಸರು ಕಠ್ಮಂಡುವಿನಲ್ಲಿ ಗುರುವಾರ ಬಂಧಿಸಿದ್ದಾರೆ.  

ಶರ್ಮ ಅವರ 10+ ತರಗತಿಯ ಪ್ರಮಾಣ ಪತ್ರ ನಕಲಿ ಎಂದು ಗೊತ್ತಾದ ಹಿನ್ನೆಲೆಯಲ್ಲಿ ಅವರನ್ನು ಬಂಧಿಸಲಾಗಿದೆ.  

ಮೊರಂಗ್‌–3 ಕ್ಷೇತ್ರದಿಂದ ಶರ್ಮ ಅವರು ಜನಪ್ರತಿನಿಧಿ ಸಭೆಗೆ ಆಯ್ಕೆಯಾಗಿದ್ದರು. ನೇಪಾಳಿ ಕಾಂಗ್ರೆಸ್‌ನ ಹಿರಿಯ ನಾಯಕ ಶೇಖರ್‌ ಕೊಯಿರಾಲ ಅವರ ಬಣದಲ್ಲಿ ಶರ್ಮ ಗುರುತಿಸಿಕೊಂಡಿದ್ದರು. ಬಂಧನದ ಬಗ್ಗೆ ಸ್ಪೀಕರ್‌ಗೆ ಮಾಹಿತಿ ನೀಡಿರುವುದಾಗಿ ಪೊಲೀಸರು ಹೇಳಿದ್ದಾರೆ.