ಭಾರತಕ್ಕೆ ಮುಚ್ಚಿದ ವಾಯುಮಾರ್ಗ: ಪಾಕ್‌ನಿಂದ ಮತ್ತೊಂದು ತಿಂಗಳು ವಿಸ್ತರಣೆ

ಇಸ್ಲಾಮಾಬಾದ್‌: ಭಾರತೀಯ ವಿಮಾನಗಳ ಹಾರಾಟಕ್ಕಾಗಿ ತನ್ನ ವಾಯುಮಾರ್ಗ ಮುಚ್ಚುವುದನ್ನು ಮತ್ತೊಂದು ತಿಂಗಳು ವಿಸ್ತರಿಸಲು ಪಾಕಿಸ್ತಾನ ನಿರ್ಧರಿಸಿದೆ.

ಏ. 22ರಂದು ಪಹಲ್ಗಾಮ್‌ನಲ್ಲಿ ಭಯೋತ್ಪಾದಕ ದಾಳಿ ನಡೆದ ಬಳಿಕ ಭಾರತವು ಕೈಗೊಂಡ ಕ್ರಮಗಳಿಗೆ ಪ್ರತಿಕ್ರಿಯಾತ್ಮಕವಾಗಿ ಪಾಕಿಸ್ತಾನವು ತನ್ನ ವಾಯುಮಾರ್ಗವನ್ನು ಮುಚ್ಚಿತ್ತು.

ಅಂತರರಾಷ್ಟ್ರೀಯ ನಾಗರಿಕ ವಿಮಾನಯಾನ ಸಂಸ್ಥೆ (ಐಸಿಎಒ) ನಿಯಮದ ಪ್ರಕಾರ ಒಂದು ತಿಂಗಳಿಗಿಂತ ಹೆಚ್ಚು ಅವಧಿ ವಾಯುಮಾರ್ಗವನ್ನು ನಿರ್ಬಂಧಿಸುಂತಿಲ್ಲ.

ಪಾಕಿಸ್ತಾನ ಮೇ 23ರವರೆಗೆ ಒಂದು ತಿಂಗಳು ವಾಯುಮಾರ್ಗ ಮುಚ್ಚಿತ್ತು. ಮತ್ತೊಂದು ತಿಂಗಳು ವಿಸ್ತರಿಸುವ ನಿರ್ಧಾರವನ್ನು ಬುಧವಾರ ಅಥವಾ ಗುರುವಾರ ಪ್ರಕಟಿಸುವ ನಿರೀಕ್ಷೆಯಿದೆ. ಈ ಕುರಿತಂತೆ ವಾಯುಪಡೆಗೆ ನೋಟಿಸ್‌ ನೀಡಲಾಗುವುದು ಎಂದು ಮೂಲಗಳನ್ನು ಉಲ್ಲೇಖಿಸಿ ‘ಜಿಯೋ ನ್ಯೂಸ್’ ವರದಿ ಮಾಡಿದೆ.