ಉಕ್ರೇನ್‌ ಡ್ರೋನ್‌ ಹೊಡೆದುರುಳಿಸಿದ ರಷ್ಯಾ

ಮಾಸ್ಕೊ: ಮಾಸ್ಕೊ ಹೊರವಲಯದಲ್ಲಿ ಉಕ್ರೇನ್‌ನ ಡ್ರೋನ್‌ವೊಂದನ್ನು ಶುಕ್ರವಾರ ಬೆಳಿಗ್ಗೆ ಹೊಡೆದುರುಳಿಸಲಾಗಿದೆ ಎಂದು ರಷ್ಯಾದ ರಕ್ಷಣಾ ಸಚಿವಾಲಯ ಹೇಳಿದೆ.

ಈ ತಿಂಗಳಲ್ಲಿ ಮಾಸ್ಕೊ ಮೇಲೆ ನಡೆದ ಮೂರನೇ ಡ್ರೋನ್‌ ದಾಳಿ ಇದಾಗಿದೆ.

‘ಘಟನೆಯಲ್ಲಿ ಯಾವುದೇ ಹಾನಿ ಸಂಭವಿಸಿಲ್ಲ. ಡ್ರೋನ್‌ ಅನ್ನು ನಿರ್ದಿಷ್ಟವಾಗಿ ಯಾವ ಸ್ಥಳದಲ್ಲಿ ಹೊಡೆದುರುಳಿಸಲಾಗಿದೆ ಎಂಬ ಬಗ್ಗೆ  ಮಾಹಿತಿ ನೀಡಿಲ್ಲ. ಆದರೆ, ಮಾಸ್ಕೊ ಒಬ್ಲಾಸ್ಟ್‌ ಪ್ರದೇಶದಲ್ಲಿ ಈ ಘಟನೆ ನಡೆದಿದೆ ಎಂದು ಸಚಿವಾಲಯ ಹೇಳಿದೆ.‌ 

ಸೋಮವಾರವಷ್ಟೇ ಎರಡು ಡ್ರೋನ್‌ಗಳು ಮಾಸ್ಕೊ ಮೇಲೆ ದಾಳಿ ನಡೆಸಿದ್ದವು. ಅವುಗಳಲ್ಲಿ ಒಂದು ರಷ್ಯಾ ರಕ್ಷಣಾ ಸಚಿವಾಲಯದ ಪ್ರಧಾನ ಕಚೇರಿಯ ಬಳಿ ದಾಳಿ ನಡೆಸಿದರೆ, ಮತ್ತೊಂದು ದಕ್ಷಿಣ ಮಾಸ್ಕೊದಲ್ಲಿರುವ ಕಚೇರಿಯೊಂದಕ್ಕೆ ಅಪ್ಪಳಿಸಿತ್ತು.