ಸೊಮಾಲಿಯಾ: ಕಾರು ಬಾಂಬ್‌ಸ್ಫೋಟ: 100 ಮಂದಿ ಬಲಿ

ಮೊಗದಿಶು (ಸೊಮಾಲಿಯಾ): ಸೊಮಾಲಿಯಾದ ರಾಜಧಾನಿ ಜನನಿಬಿಡ ಪ್ರದೇಶದಲ್ಲಿ ಶನಿವಾರ ನಡೆದ ಎರಡು ಕಾರ್‌ ಬಾಂಬ್‌ ಸ್ಫೋಟ ಕೃತ್ಯದಲ್ಲಿ ಕನಿಷ್ಠ 100 ಜನರು ಮೃತಪಟ್ಟಿದ್ದಾರೆ.

ದಾಳಿಯಲ್ಲಿ ಅಂದಾಜು 300 ಮಂದಿ ಗಾಯಗೊಂಡಿದ್ದಾರೆ. ಸಾವಿನ ಸಂಖ್ಯೆ ಇನ್ನೂ ಏರಿಕೆಯಾಗುವ ಸಂಭವವಿದೆ ಎಂದು ಅಧ್ಯಕ್ಷ ಹಸನ್‌ ಶೇಖ್‌ ಮೊಹಮುದ್‌ ತಿಳಿಸಿದ್ದಾರೆ.

ಇದೇ ಸ್ಥಳದಲ್ಲಿ 2017ರಲ್ಲಿ ಟ್ರಕ್‌ ಬಾಂಬ್ ಸ್ಫೋಟಗೊಂಡು 500ಕ್ಕೂ ಹೆಚ್ಚು ಜನರು ಮೃತಪಟ್ಟಿದ್ದರು. ಅಲ್‌ ಕೈದಾ ಜೊತೆ ಸಂಪರ್ಕದಲ್ಲಿರುವ ಅಲ್‌–ಶಬಾಬ್ ಉಗ್ರರ ಗುಂಪು ಈ ಕೃತ್ಯ ನಡೆಸಿದೆ ಎಂದು ಸರ್ಕಾರ ಹೇಳಿದೆ.