World Covid-19 Update: ಅಮೆರಿಕದಲ್ಲಿ ಒಂದೇ ದಿನ 691 ಸಾವು

ವಾಷಿಂಗ್ಟನ್: ಜಾನ್ಸ್ಹಾಪ್ಕಿನ್ಸ್ ಕೊರೊವಾವೈರಸ್ ರಿಸೋರ್ಸ್ ಸೆಂಟರ್ ಮಾಹಿತಿ ಪ್ರಕಾರ ಜಗತ್ತಿನಾದ್ಯಂತ 4,09,886 ಮಂದಿ ಸಾವಿಗೀಡಾಗಿದ್ದಾರೆ. ಬ್ರಿಟನ್‌ನಲ್ಲಿ 40,680 ಮತ್ತುಬ್ರೆಜಿಲ್‌ನಲ್ಲಿ 36,455 ಮಂದಿ ಸಾವಿಗೀಡಾಗಿದ್ದಾರೆ.

ಜಗತ್ತಿನಾದ್ಯಂತ ಸೋಂಕಿತರ ಸಂಖ್ಯೆ 7053093ಕ್ಕೆ ಏರಿಕೆಯಾಗಿದೆ. ಅಮೆರಿಕದಲ್ಲಿ 1946555 ಮಂದಿಗೆ ಸೋಂಕು ತಗುಲಿದ್ದು ಬ್ರೆಜಿಲ್‌ನಲ್ಲಿ 691758 ಮಂದಿಗೆ ಸೋಂಕು ತಗುಲಿದೆ. ರಷ್ಯಾದಲ್ಲಿ 467,073 ಲಕ್ಷ ಜನರಿಗೆ ಸೋಂಕು ತಗುಲಿ 5,851 ಜನ ಮೃತಪಟ್ಟಿದ್ದಾರೆ.

ಇದನ್ನೂ ಓದಿ:Covid-19 India Update: ಎರಡೂವರೆ ಲಕ್ಷದ ಗಡಿದಾಟಿದ ಒಟ್ಟು ಸೋಂಕಿತರ ಸಂಖ್ಯೆ

ಪಾಕಿಸ್ತಾನದಲ್ಲಿ ಸೋಂಕಿತರ ಸಂಖ್ಯೆ ಭಾನುವಾರ ದಿಡೀರ್ ಏರಿಕೆಯಾಗಿದೆ. ಅಲ್ಲಿ ಈವರೆಗೆ 98,943 ಜನರಿಗೆ ಸೋಂಕು ತಗುಲಿದ್ದು, 2,002 ಸಾವು ಸಂಭವಿಸಿದೆ.

ಕೊರೊನಾದಿಂದಾಗಿ ಈವರೆಗೆ ಬ್ರಿಟನ್‌ನಲ್ಲಿ 40,625, ಸ್ಪೇನ್‌ನಲ್ಲಿ 27,136, ಇಟಲಿಯಲ್ಲಿ 33,899, ಫ್ರಾನ್ಸ್‌ನಲ್ಲಿ 29,158 ಹಾಗೂ ಜರ್ಮನಿಯಲ್ಲಿ 8,685 ಮಂದಿ ಅಸುನೀಗಿದ್ದಾರೆ.