ವಾಷಿಂಗ್ಟನ್: ಪ್ರತಿ ದೇಶಕ್ಕೆ ಗ್ರೀನ್ ಕಾರ್ಡ್ ನೀಡಲು ಇರುವ ಮಿತಿಯನ್ನು ತೆರವುಗೊಳಿಸುವ ಮಸೂದೆಯೊಂದಕ್ಕೆ ಮಂಗಳವಾರ ಜನಪ್ರತಿನಿಧಿಗಳ ಸಭೆಯಲ್ಲಿ ಮತದಾನ ನಡೆದಿದೆ.
‘ಹೆಚ್ಚು ಕೌಶಲವುಳ್ಳ ವಲಸಿಗರ ಕಾಯ್ದೆ’ಗೆ ರಿಪಬ್ಲಿಕನ್ ಹಾಗೂ ಡೆಮಾಕ್ರಟಿಕ್ ಪಕ್ಷದ 310ಕ್ಕೂ ಹೆಚ್ಚು ಸಂಸದರ ಬೆಂಬಲ ಇದೆ.435 ಸದಸ್ಯ ಬಲದ ಜನಪ್ರತಿನಿಧಿಗಳ ಸಭೆಯಲ್ಲೂ ಇದು ಅಂಗೀಕಾರವಾಗುವ ಸಂಭವ ಇದೆ. ಆದರೆ ಸೆನೆಟ್ನಲ್ಲೂ ಮಸೂದೆ ಅಂಗೀಕಾರವಾಗಬೇಕಾಗುತ್ತದೆ.
ಹಾಗೊಮ್ಮೆ ಅಂಗೀಕಾರವಾದರೆ, ಎಚ್1–ಬಿ ವೀಸಾ ಮೇಲೆ ಅಮೆರಿಕದಲ್ಲಿ ಕಾರ್ಯನಿರ್ವಹಿಸುತ್ತಿರುವ ಭಾರತ ಸೇರಿದಂತೆ ಹಲವು ರಾಷ್ಟ್ರಗಳ ಉದ್ಯೋಗಿಗಳಿಗೆ ನೆರವಾಗುತ್ತದೆ.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್ಬುಕ್ ಪುಟ ಫಾಲೋ ಮಾಡಿ.